米線陣 (翡翠明珠廣場)

Open Now

Now Closed

今日同老婆去銅鑼灣探朋友，上去之前有少少肚餓所以買定外賣上去。老婆話明珠廣場既〈米線陣！〉有下午茶幾抵食所以就去啦。下午茶時段都幾多人幫襯，坐到出面長台都有人坐緊，所以等外賣都要企埋一邊。講番正題食物先，結果我揀咗〈紫菜墨魚丸雲吞米線〉配埋蕃茄湯底。分量呢講都ok，下午茶食幾好。而墨魚丸同雲吞都尚算新鮮，味道亦不錯。麻辣番茄湯底，酸麻並重，唔算勁辣可以接受。因為番茄麻辣湯底要加$2，所以連埋一杯熱飲$44結帳，銅鑼灣來講算幾抵食。