Video
Read full review
2022-01-30
227 views
食左幾日住家飯，唔想再煮，本來打算出去行下，順便買外賣，不過有人話想嚟北角書局街試下呢間新開張、主打本地口味嘅「愛上米線」。餐廳門面很搶眼，以純白為主調，配上火紅色嘅招牌，形成強烈對比。至於店內裝潢亦很有格調，有別於一般米線連鎖店，簡約明亮，令人耳目一新。先睇下餐牌，除咗主打嘅米線之外，原來餐廳仲有泡飯、拌飯、蔥油餅同小食等供應，凡惠顧任何米線、飯類或蔥油餅，+$18 更可升級至套餐。點咗兩個套餐同兩款小食，蝦醬雞翼 ($28) 賣相非常吸引，雞翼用蝦醬醃過，再炸至色澤金黃，食落味道非常香濃，外層鬆脆，內裡肉嫩 Juicy，香口又惹味。蔥油餅 ($18) 亦做得好有誠意，即叫即整，送上時仍熱辣辣、香噴噴，入口酥脆得嚟又帶點蔥香，不油不膩。套餐點咗招牌脆炸蛋肉沫拌飯 ($48) 同 紅燒牛𦟌湯米線 ($62)，雞蛋非常可口，邊位炸得超脆，戳穿中間嘅蛋黃後竟然仲有流心效果，食落富蛋香又多汁，撈埋底層嘅木耳、肉碎，菇粒、蔥花同珍珠米飯一齊食，口感極佳。至於紅燒牛𦟌湯米線，亦做得好有水準，湯底用牛骨熬成，味道非常濃郁，帶牛骨嘅甜味。牛𦟌燜得夠晒軟腍，入味又鬆化；米線煮至軟硬適中，配檯面嘅辣
餐廳門面很搶眼，以純白為主調，配上火紅色嘅招牌，形成強烈對比。至於店內裝潢亦很有格調，有別於一般米線連鎖店，簡約明亮，令人耳目一新。
先睇下餐牌，除咗主打嘅米線之外，原來餐廳仲有泡飯、拌飯、蔥油餅同小食等供應，凡惠顧任何米線、飯類或蔥油餅，+$18 更可升級至套餐。
點咗兩個套餐同兩款小食，蝦醬雞翼 ($28) 賣相非常吸引，雞翼用蝦醬醃過，再炸至色澤金黃，食落味道非常香濃，外層鬆脆，內裡肉嫩 Juicy，香口又惹味。
蔥油餅 ($18) 亦做得好有誠意，即叫即整，送上時仍熱辣辣、香噴噴，入口酥脆得嚟又帶點蔥香，不油不膩。
套餐點咗招牌脆炸蛋肉沫拌飯 ($48) 同 紅燒牛𦟌湯米線 ($62)，雞蛋非常可口，邊位炸得超脆，戳穿中間嘅蛋黃後竟然仲有流心效果，食落富蛋香又多汁，撈埋底層嘅木耳、肉碎，菇粒、蔥花同珍珠米飯一齊食，口感極佳。
至於紅燒牛𦟌湯米線，亦做得好有水準，湯底用牛骨熬成，味道非常濃郁，帶牛骨嘅甜味。牛𦟌燜得夠晒軟腍，入味又鬆化；米線煮至軟硬適中，配檯面嘅辣醬吃，辣中帶麻，特別惹味。如果唔夠飽嘅話，其實仲可以加飯及加米線，唔需要額外收費，十分經濟抵食。
跟餐小食同飲品點咗話梅小番茄、熱港式奶茶 (+$18) 同 醋香青瓜白木耳、芒果乳酪梳打 (+$22)。小番茄紅彤彤脹卜卜，入口酸咪咪，非常醒胃，有人大讚好味，更即時再加點咗一客 ($24)。
青瓜白木耳清涼可口，食落爽脆又帶陣陣醋香，健康又滋味。奶茶香濃順滑、乳酪梳打內有粒粒爆珠，一咬爆汁，感覺超 Fresh。
Post
