Video
Read full review
2022-08-23
656 views
今日經開太子嗰邊睇醫生，突然醒起米線關注組入邊，啲組員成日提及嘅龍川米線，於是乎就特登經地鐵站行過去試吓!.入到去舖頭細細，位置都尚算舒服，因為差唔多點幾鐘入去，又唔算太多人。.我就order左：1. 小窩米線(任選兩餸) 💲45 *豬軟骨 + 嫩雞柳 *追加 豬紅 💲8 *麻辣胡椒湯少少辣.首先講一講個湯底先，比起我上兩篇嘅米線鋪相對唔會咁鹹，但係亦有胡椒香，對於唔係太食得辣嘅我，依家少少辣就啱啱好！.豬軟骨個人都好推介，豬肉同軟骨嘅比例相當，有咬口而且非常入味 ; 嫩雞柳相對比較遜色，覺得譚仔都好過佢陰公 ; 而豬紅就不過不失，味道正常。.整體來講係一間非常之合格又得嘅米線舖頭，但係距離太子C出口有啲距離，特別今日超熱行到身水身汗，但係去到食完都滿足地離開嘅ʕ •ᴥ•ʔ
.
入到去舖頭細細，位置都尚算舒服，因為差唔多點幾鐘入去，又唔算太多人。
.
我就order左：
1. 小窩米線(任選兩餸) 💲45
*豬軟骨 + 嫩雞柳
*追加 豬紅 💲8
*麻辣胡椒湯少少辣
.
首先講一講個湯底先，比起我上兩篇嘅米線鋪相對唔會咁鹹，但係亦有胡椒香，對於唔係太食得辣嘅我，依家少少辣就啱啱好！
.
豬軟骨個人都好推介，豬肉同軟骨嘅比例相當，有咬口而且非常入味 ; 嫩雞柳相對比較遜色，覺得譚仔都好過佢陰公 ; 而豬紅就不過不失，味道正常。
.
整體來講係一間非常之合格又得嘅米線舖頭，但係距離太子C出口有啲距離，特別今日超熱行到身水身汗，但係去到食完都滿足地離開嘅ʕ •ᴥ•ʔ
Post
