大救駕 (Closed)

原本想和好友吃譚仔麻辣或桂林酸辣米線, 可惜太多人排隊, 所以回頭大救駕, 大救駕不用等位, 座位是三間中坐得最舒服, 但環境太暗, 感覺還是怪怪的。自算米線亦是三間中最貴, 酸辣似是一餸計, 太煩了, 乾脆點特定套餐, 包小食和飲品。先來拍黃瓜, 細細碟, 原來都幾辣, 不過這已是全晚最出色的, 辣得來清新, 青瓜幾新鮮。好友點了醬爆排骨米線, 望見好似好辣, 但食落又不會, 而且幾香幾惹味, 好味過我點的金菇肥牛米線, 清清淡淡的, 肥牛略韌, 普普通通, 不夠譚仔麻辣或桂林酸辣米線來得有特色。餐飲凍檸茶, 亦是一般, 好似譚仔好些少。我和好友都覺得此店米線麻麻地, 下次寧願排隊譚仔也不會再幫襯。