Video
Read full review
2020-09-16
1288 views
❀ Caprice 中環❀❗️米芝蓮三星高質法國餐廳服務環境氣派冇得彈❗️ ——————————————————位於香港著名五星級四季酒店嘅6樓，望住一覽無遺嘅維港景色🏙餐廳裝修有法國古典優雅格調，特別採用開放式廚房，行過嘅時候會望到廚師製作嘅過程，當日仲聞到非常香濃嘅芝士味添☺️最令人讚嘆嘅除咗高質嘅食物之外，一定係佢貼心嘅服務，侍應會細心同你介紹菜式，時刻留意着你嘅需要，當日我哋唔小心跌咗個口罩袋喺地下，佢都即刻比一個新嘅口罩連信封我哋，我覺得五星級嘅體驗就係呢啲微細嘅地方都照顧得到✨。.午市嚟到主要有三款選擇：♥ 3 courses(appetiser, fish/meat, dessert) $645♥ 4 courses(+soup) $790♥ 5 courses(+soup, fish and meat) $895。我哋揀咗3 course menu，其實佢仲會送多一個前菜同埋甜品，所以已經夠晒飽好滿足🥰不過提提大家如果想坐窗邊位就最好預早幾個月book位，因為我同做咗成個幾月book都只係坐到第二排🙈。.✷𝑀𝑒𝓃𝓊✷☞四款新鮮烘製餐包🍞落單後先會提供四款微溫餐包。有非常酥脆
❗️米芝蓮三星高質法國餐廳服務環境氣派冇得彈❗️
——————————————————
位於香港著名五星級四季酒店嘅6樓，望住一覽無遺嘅維港景色🏙餐廳裝修有法國古典優雅格調，特別採用開放式廚房，行過嘅時候會望到廚師製作嘅過程，當日仲聞到非常香濃嘅芝士味添☺️最令人讚嘆嘅除咗高質嘅食物之外，一定係佢貼心嘅服務，侍應會細心同你介紹菜式，時刻留意着你嘅需要，當日我哋唔小心跌咗個口罩袋喺地下，佢都即刻比一個新嘅口罩連信封我哋，我覺得五星級嘅體驗就係呢啲微細嘅地方都照顧得到✨。
.
午市嚟到主要有三款選擇：
♥ 3 courses(appetiser, fish/meat, dessert) $645
♥ 4 courses(+soup) $790
♥ 5 courses(+soup, fish and meat) $895。我哋揀咗3 course menu，其實佢仲會送多一個前菜同埋甜品，所以已經夠晒飽好滿足🥰不過提提大家如果想坐窗邊位就最好預早幾個月book位，因為我同做咗成個幾月book都只係坐到第二排🙈。
.
✷𝑀𝑒𝓃𝓊✷
☞四款新鮮烘製餐包🍞
落單後先會提供四款微溫餐包。
有非常酥脆香口嘅芝麻牛油酥、我最愛嘅軟糯無比香草軟包、較為經典嘅法包、同埋栗子酸種麵包。
配上順滑嘅有鹽牛油或者冇鹽牛油任君選擇。
Bread
31 views
1 likes
0 comments
.
☞Amuse bouche白蘿蔔釀生蝦🦐
廚師額外送上嘅開胃前菜，
用上兩塊爽口薄切嘅日本daikon白蘿蔔包住彈牙生蝦，配上鰹魚汁，清甜開胃。
Amuse bouche白蘿蔔釀生蝦
52 views
0 likes
0 comments
.
☞ 法式鴨肝凍批伴大黃根配士多啤梨果凍🦆
溝咗砵酒製成雲石紋嘅鴨肝凍，面頭再有層薄薄嘅嘅啫喱。
入口即溶，感受到鴨肝嘅油潤得來又唔會好似煎鵝肝咁油膩。
最欣賞佢配上士多啤梨果凍，齋食會有少少酸，但兩者配埋一齊平衡得非常之好，再配上爽口薄片大黃根，增添成道菜嘅口感👍🏻。
法式鴨肝凍批伴大黃根配士多啤梨果凍
126 views
0 likes
0 comments
法式鴨肝凍批伴大黃根配士多啤梨果凍
86 views
0 likes
0 comments
☞ 鯛魚釀橄欖配意大利青瓜🐟
用上藏紅花、洋蔥、蒜頭、忌廉製作醬汁，味道獨特得來又容易接受。
可惜係鯛魚比較鞋。
鯛魚釀橄欖配意大利青瓜
83 views
1 likes
0 comments
鯛魚釀橄欖配意大利青瓜
32 views
0 likes
0 comments
☞ 法國乳鴿伴蠶豆配威士忌鴨肝醬🐦
呢款係caprice嘅鎮店之寶！
廚師建議四成熟，切開果然粉嫩，但又唔會有血水味，最欣賞佢冇平時中式酒樓乳鴿嗰種蘇味同埋鞋口，同平時食開嘅乳鴿完全係兩種口感味道👍🏻。
表面加上巴馬臣芝士、亞麻籽、麵包碎整成嘅薄脆，香口不過可能我哋影咗一陣相所以就冇咁脆。
同樣地都係上菜先會淋上醬汁，醬汁係威士忌鴨肝醬，有少少豬紅嘅味道，的確幾複雜。
而沙律上面嗰幾條紅色野其實係乳鴿嘅tenderloin，入口更加嫩！
法國乳鴿伴蠶豆配威士忌鴨肝醬
91 views
0 likes
0 comments
.
☞ 榛子牛奶朱古力慕絲配榛子雪糕🍨
層次非常豐富嘅榛子甜品，
香濃嘅榛子雪糕、薄脆牛奶朱古力、順滑濃郁嘅慕絲、脆口嘅餅底，
各種唔同層次嘅榛子朱古力係個口度爆發，
食到我哋兩個超級滿足。
榛子牛奶朱古力慕絲配榛子雪糕
52 views
0 likes
0 comments
.
☞ 杏仁疏乎厘配雲呢拿雪糕🧁 (+$150)
人生食過最貴嘅疏乎厘，
份量比想像中大，有成隻手掌咁大🤩，
入口即溶得來又唔會好似食緊一堆泡泡，濕潤細密，
特別欣賞佢喺容器嘅內層整咗層砂糖薄脆，好似creme brulee表面嗰層焦糖，第一次喺疏乎厘度食到呢個口感😋。
杏仁味道香濃未有太香精嘅味道，只係咁啱我哋兩個都唔太鍾意杏仁味。
杏仁疏乎厘配雲呢拿雪糕
46 views
1 likes
0 comments
杏仁疏乎厘配雲呢拿雪糕
105 views
1 likes
0 comments
.
Petite Four🥠
最後仲會送上擺放喺手飾盒上嘅精緻小甜點，
分別有熱情果撻、紅莓泡芙、紅莓醬朱古力，
細細粒額外送上但依然保留到水準，
每一粒都有唔同嘅口感，作為完美嘅結束。
Petite four
59 views
0 likes
0 comments
.
整體味道: 4.4/5 (特別推薦鴨肝凍、榛子朱古力慕絲)
整體性價比: 4.6/5 (包括環境、優質嘅服務)
.
整體來講，喺我食過嘅fine dining當中呢間絕對佔非常高嘅一席位🌟每一道嘅菜式都睇得出廚師花滿心思，加上員工對菜式嘅認知同埋高質嘅服務態度，再配合超級靚嘅海景，成個用餐體驗非常滿意，絕對要感受一次，值呢個價錢👍🏻。
Post
