Video
Read full review
2019-08-27
1032 views
羅勒印度餐廳 #北角呢間印度餐廳榮獲左轉咗多年嘅米芝蓮推介，而且係OpenRice定座仲有75折，不過今次最終都冇用到個優惠，因為發現佢有個二人套餐仲抵，有成六折。二人套餐$302 (原價 $502)-前菜-是日餐湯 Daily soup 鷹嘴豆南瓜湯烤雞串 Chicken Tikka (2pcs)咖喱角 Samosa (2pcs)烤牛肉 Beef kebab (2pcs)馬莎拉蠔 Oyster masala (4pcs)最特別係佢嘅馬莎拉蠔，第一次去印度餐館食蠔，雖然唔係生蠔，但係佢哋嘅調味料甜甜鹹鹹咁，將隻蠔整得都幾惹味。另外佢嘅咖喱角亦都非常鬆脆，而且餡料非常豐富，包住左啲咖喱、薯蓉係入面。同埋佢嘅烤牛肉都好特別，將啲牛肉整到一條香腸嘅形狀，但係又比德國香腸鬆化少少-主菜-印度咖喱牛肉 Beef Curry馬莎拉雞肉 Chicken Masala咖喱雜菜 Vegetables curry 配烤餅&黑松露烤餅 (/白飯) Naan, Black truffle naan (/white rice)每一隻咖喱嘅味道其實分別唔大，不過最甜嘅就會係咖喱雜菜，而香料、肉味最龍嘅就會係咖喱牛
呢間印度餐廳榮獲左轉咗多年嘅米芝蓮推介，而且係OpenRice定座仲有75折，不過今次最終都冇用到個優惠，因為發現佢有個二人套餐仲抵，有成六折。
二人套餐$302 (原價 $502)
-前菜-
是日餐湯 Daily soup 鷹嘴豆南瓜湯
烤雞串 Chicken Tikka (2pcs)
咖喱角 Samosa (2pcs)
烤牛肉 Beef kebab (2pcs)
馬莎拉蠔 Oyster masala (4pcs)
最特別係佢嘅馬莎拉蠔，第一次去印度餐館食蠔，雖然唔係生蠔，但係佢哋嘅調味料甜甜鹹鹹咁，將隻蠔整得都幾惹味。另外佢嘅咖喱角亦都非常鬆脆，而且餡料非常豐富，包住左啲咖喱、薯蓉係入面。同埋佢嘅烤牛肉都好特別，將啲牛肉整到一條香腸嘅形狀，但係又比德國香腸鬆化少少
-主菜-
印度咖喱牛肉 Beef Curry
馬莎拉雞肉 Chicken Masala
咖喱雜菜 Vegetables curry
配烤餅&黑松露烤餅 (/白飯) Naan, Black truffle naan (/white rice)
每一隻咖喱嘅味道其實分別唔大，不過最甜嘅就會係咖喱雜菜，而香料、肉味最龍嘅就會係咖喱牛肉。每一隻都幾好食，用嚟點烤餅就一流！不過佢嘅咖喱唔係椰香味重嗰隻，亦都唔係好辣。
另外幾特別嘅係佢哋有黑松露烤餅，有啲黑松露、黑松露油喺上面，令到成個烤餅更加香，就算唔點咖喱就齋食都好好味。因為得四塊唔係好夠點曬啲咖喱，個店員仲免費送多四塊原味俾我哋
-飲品-
瑪薩拉茶 Masala tea
芒果奶昔 Mango lassi
印度嘅奶茶比起香港台灣嘅香料味重好多，味道都真係幾特別，值得一試。而佢哋嘅芒果奶昔都做得唔錯，芒果味香濃得來唔會假。
無論係前菜主菜定係嘢飲都做得唔錯，而且呢個二人餐可以試到好多唔同嘅餸，所以都幾好。
味道: 4.3/5
性價比: 4.5/5
Post
