祥興記上海生煎包 (Closed)

今日星期六返下午﹐老公揸車接放工﹐之後陪老公去深水埗買嘢﹐行過比一個大大 Banner 吸引了﹐標題『2016年米芝蓮推介』﹐原來傳說中的上海生煎包係深水埗開左分店﹐不得不試一下﹐老公便買左2款口味(原味及黑松露)外賣返舖食﹐起初諗住外賣一定無甘好食﹐果然是米芝蓮推介﹐真係好正。咬一口包內肉汁流出來﹐包底還是脆的﹐我個人覺得原味比較好味D﹐肉味夠濃﹐而黑松露有點喧賓奪主搶了肉味﹐還有鮮蝦味的﹐如果你想試晒3種味﹐甘就可選擇$62 6隻﹐因呢間店係無1隻買的﹐最低消費係4隻。