Video
Read full review
2020-06-12
2355 views
我呢篇食評會寫得比較harsh，因為攞得米芝蓮推介，就應該有番咁上下水準，我食既時候都會有番咁上下期望。。。可惜，再一次印證，米芝蓮評審係唔識品評中菜🤷♀️叫咗4樣野食，上枱時間比較慢，第一個菜上枱要20分鐘左右，最後一個菜由落單到上桌，差不多要1個鐘椒鹽鮑魚：面頭全部係炸蒜，避風塘式，賣相一般；鮑魚算大隻，但食落口唔入味，裙邊仲靱靱地，炸蒜雖然一大堆，但唔夠紅椒同調味，炒得又唔夠香，炸蒜都淋淋地，$88一隻，麻麻地蝦乾韮菜花豬頸肉小炒王全晚最垃圾一道菜，唔好以為炒個韮菜花就係小炒王！一個好既小炒王第一必須夠鑊氣，第二要惹味，因為係要用黎送啤酒既；呢兩樣都唔合格，無鑊氣之餘仲無咩味，蝦醬佢一定唔知要落黎吊味再者，講下小炒王既配料，蝦乾佢用好細粒既蝦米代替；又唔正宗咁加咗啲唔夾味既豬頸肉落去炒埋一碟，我完全唔覺得佢係小炒王，絕對係一碟XO醬炒韮菜花大雜燴。。。麻辣水煮雞（半隻）辣就辣啦，但唔麻囉，花椒八角味都欠奉。。。啲雞唔入味，要碟菜上檯後15分鐘之後，我再夾果幾件雞先開始入味，開始覺得好食啲。。。啲雞件斬到好細件，都係唔入味，斬到咁細件，仲成日唔知自己食緊雞頸定雞背脊（我平時唔食雞頸
叫咗4樣野食，上枱時間比較慢，第一個菜上枱要20分鐘左右，最後一個菜由落單到上桌，差不多要1個鐘
椒鹽鮑魚：面頭全部係炸蒜，避風塘式，賣相一般；鮑魚算大隻，但食落口唔入味，裙邊仲靱靱地，炸蒜雖然一大堆，但唔夠紅椒同調味，炒得又唔夠香，炸蒜都淋淋地，$88一隻，麻麻地
椒鹽鮑魚
$264
69 views
1 likes
0 comments
蝦乾韮菜花豬頸肉小炒王
全晚最垃圾一道菜，唔好以為炒個韮菜花就係小炒王！一個好既小炒王第一必須夠鑊氣，第二要惹味，因為係要用黎送啤酒既；呢兩樣都唔合格，無鑊氣之餘仲無咩味，蝦醬佢一定唔知要落黎吊味
再者，講下小炒王既配料，蝦乾佢用好細粒既蝦米代替；又唔正宗咁加咗啲唔夾味既豬頸肉落去炒埋一碟，我完全唔覺得佢係小炒王，絕對係一碟XO醬炒韮菜花大雜燴。。。
蝦乾韮菜花豬頸肉小炒王
$128
62 views
0 likes
0 comments
麻辣水煮雞（半隻）
辣就辣啦，但唔麻囉，花椒八角味都欠奉。。。啲雞唔入味，要碟菜上檯後15分鐘之後，我再夾果幾件雞先開始入味，開始覺得好食啲。。。啲雞件斬到好細件，都係唔入味，斬到咁細件，仲成日唔知自己食緊雞頸定雞背脊（我平時唔食雞頸的）
麻辣水煮雞（半隻）
$188
63 views
0 likes
0 comments
菠蘿生炒骨
我覺得係全晚最好食既一個菜了，但都係唔算出色，生炒骨啲漿汁加咗少少麥牙糖，所以夾起果陣會有少少拔絲既視覺；不過就係個醬汁唔夠酸、個脆皮唔夠脆、洋蔥青椒爆香時間唔夠耐、豬肉無豬味。。。
菠蘿生炒骨
$98
47 views
0 likes
0 comments
最後講下服務，間房成十張枱，得一個服務員，做埋傳菜，都幾難揾人下，食物價錢唔算平，所以都會希望有更好service
整體表現得60分左右，其實食物質素係好過一般酒樓的，但米芝蓮推介？？？呃鬼佬評審唔識食中菜囉🤷♀️
Post
