Video
Read full review
2024-09-26
528 views
轉轉口味，今日lunch buffet 食印度嘢！呢間一直以來都好想試，因為知道佢係印度菜老店！一去到就見到招牌始創於1972年，咁耐歷史都可以屹立不倒，仲要係米芝蓮推介～未食已經好期待！印度菜lunch buffet有個好處，一餐裏面可以試好多唔同種類前菜、咖喱、主菜、新鮮Naan同甜品😍 🔸前菜除咗沙律之外，仲有印度脆餅、Pani Puri一個圓形脆米球放入豆蓉餡料，加上綠色mint sauce 口感清新，感覺輕盈！餐廳印度服務員非常親切有禮，仲會用流利廣東話，親自教導點樣配搭！👍🏻Samosa 咖哩角外皮鬆脆，個人覺得配搭乳酪仲好食😆印度烤雞、羊肉卷、蝦都唔錯！bite size 好好，個胃有更多空間試多啲唔同嘅嘢！🔸主食咖喱都有好多唔同種類類有咖喱魚，羊，Paneer 印度芝士、松露雞、素菜選擇Paneer makhani 印度芝士配搭微微蕃茄同香料，芝士口感類似硬豆腐！幾特別，值得一試～仲有印度香米，加少少配搭咖喱，非常下飯！最吸引嘅就係Naan ！印度烤餅，即叫即做，非常新鮮～今次叫咗松露同蒜香烤餅，一睇到就非常吸引，充滿油香！lunch buffet 居然會有即叫即做嘅食
印度菜lunch buffet有個好處，一餐裏面可以試好多唔同種類前菜、咖喱、主菜、新鮮Naan同甜品😍
🔸前菜
除咗沙律之外，仲有印度脆餅、Pani Puri一個圓形脆米球放入豆蓉餡料，加上綠色mint sauce 口感清新，感覺輕盈！餐廳印度服務員非常親切有禮，仲會用流利廣東話，親自教導點樣配搭！👍🏻
Samosa 咖哩角外皮鬆脆，個人覺得配搭乳酪仲好食😆
印度烤雞、羊肉卷、蝦都唔錯！bite size 好好，個胃有更多空間試多啲唔同嘅嘢！
🔸主食
咖喱都有好多唔同種類類有咖喱魚，羊，Paneer 印度芝士、松露雞、素菜選擇
Paneer makhani 印度芝士配搭微微蕃茄同香料，芝士口感類似硬豆腐！幾特別，值得一試～
仲有印度香米，加少少配搭咖喱，非常下飯！
最吸引嘅就係Naan ！印度烤餅，即叫即做，非常新鮮～今次叫咗松露同蒜香烤餅，一睇到就非常吸引，充滿油香！lunch buffet 居然會有即叫即做嘅食物，大讚👍🏻
🔸甜品
Gulab jamun印度糖油果子，一個小波波浸泡喺糖水入面。比較甜，但入鄉隨俗又係自助餐形式，可以不妨同朋友一齊分享試吓～
Sweet Cumin seeds靠近門口位置仲有一碟四色拼盤！餐廳職員介紹原來係印度人餐後refresher，直接擺入口，幾特別！
🔸飲品（餐飲）
Mango Lassi 酸酸甜甜印度乳酪飲品，芒果味道濃郁！食印度菜必點～Lunch buffet 包埋🙌🏻
Lime Soda 可以選擇甜味、鹹，甚至乎Mix ! 今次選擇咗Mix，飲落好似港式鹹檸七嘅味道清爽開胃！
總括🔹餐廳環境舒適寬敞，充滿異國風情！餐廳職員服務非常好，經常會詢問客人需要，介紹菜式同食法！喜歡嘗試印度菜嘅朋友值得一試，一餐可以嘗試唔同印度菜式😉
Post
