皇玥餅藝 (Moved) New Location

屋企人好鍾意食蝴蝶酥，咁啱今日行經尖沙咀加連威老道見到皇玥，於是行入去逛下。店舖好闊落，內裡布置好有心思，門口有個老香港懷舊風的打卡位。 店員好有禮貌，仲可以試食各款餅食。店員介紹呢度嘅蝴蝶酥是由米芝蓮餅藝大師黎永冠師傅主理。黎師傅銳意鑽研，創製出12款口味的蝴蝶酥。買了盒伯爵茶蝴蝶酥精裝禮盒回家做tea， 口感鬆化，有清新嘅伯爵茶香，唔會太甜，一盒有四包，每包有四塊。酥餅採用法國天然牛油，牛油香味自然，質感綿滑，加上來自英國的上等伯爵茶葉，帶來不澀口的伯爵茶香👍🌈。