CIAK - All Day Italian (太古城中心) (Closed)

CIAK中環個間已經試過，好食。咁岩去開太古做野，見到都想回味下。CIAK 太古呢間2019年港澳版米芝蓮指南獲得米芝蓮車胎人美食推介，見到一定要試試。平日放工時間都吾係好多人，吾洗等位就可以入座。佢個餐牌都幾靚，又有圖片比你睇,好吸引。待應好快就上左餐包，係新鮮出爐，好熱又軟，內脆外軟，質感綿密煙韌，有麥香。餐包可以REFILL但為免食飽，所以就無再加。同朋友一人叫左個意粉，一個係蕃茄龍蝦意粉，一個係帶子意粉。兩個都整得好出色，本身中意意粉係硬小小，待應都好好有問會吾會想要軟d。蕃茄龍蝦意粉，有好多龍蝦肉，肉質都好彈牙，有鮮甜味。帶子意粉，有小小SPICY，清清地反而帶出帶子的鮮甜。如果下次多人D一齊食會想食埋佢個PIZZA呢。總括黎講好滿意。