Video
Read full review
2011-06-06
21 views
米芝蓮推介餐廳，米奇同米妮都係第一次食，今次透過團購買左個coupon，十三道菜都係$148，仲有自助沙津bar，超抵咁！咁佢話十三道菜，都知一定會係細細份咁，比較精緻～有2種佢寫明只可以揀2次，就係南非生蠔同埋磯煮鮑魚，但係生蠔去到就話冇......真係有d失望！先食ge當然係自助沙律bar～跟住揀菜～一人份量係：從海鮮冷盤/特式小食、炸物、串燒、煮物度揀十道菜，一道主菜，兩道甜品。米奇米妮2個人揀ge前菜係：凍海中蝦、加拿大翡翠螺、智利白酒藍青口(2隻)、2x磯煮鮑魚、海蝦天婦羅(2隻)、蟹肉南爵薯餅、吉列黃金炸生蠔、脆炸軟殼蟹(2件)、2x法式紐西蘭羊架、活海鰻、豚肉露荀卷、黑淑牛舌心、澳洲紅立鮮魚湯、2x汁煮美國牛肋骨、豚肉生薑燒、法國鵝肝多士、黑松露法式蝦多士前菜真係超多！海鮮冷盤/特式小食類加拿大翡翠螺一般，有d沙，但好新鮮，一d都唔腥智利白酒藍青口係米奇米妮第一次食藍青口，比我地一般食果d青口細隻，冇白酒味，同一般青口味道一樣磯煮鮑魚好入味，係磯燒果種鹹鹹地ge味，鮑魚唔會太乾，幾好食凍海中蝦好大隻，啖啖肉，但其實米妮想叫個泰式生蝦試下炸物類海蝦天婦羅居然冇俾埋天婦羅ge
咁佢話十三道菜，都知一定會係細細份咁，比較精緻～
有2種佢寫明只可以揀2次，就係南非生蠔同埋磯煮鮑魚，但係生蠔去到就話冇......真係有d失望！
先食ge當然係自助沙律bar～
跟住揀菜～一人份量係：從海鮮冷盤/特式小食、炸物、串燒、煮物度揀十道菜，一道主菜，兩道甜品。米奇米妮2個人揀ge前菜係：凍海中蝦、加拿大翡翠螺、智利白酒藍青口(2隻)、2x磯煮鮑魚、海蝦天婦羅(2隻)、蟹肉南爵薯餅、吉列黃金炸生蠔、脆炸軟殼蟹(2件)、2x法式紐西蘭羊架、活海鰻、豚肉露荀卷、黑淑牛舌心、澳洲紅立鮮魚湯、2x汁煮美國牛肋骨、豚肉生薑燒、法國鵝肝多士、黑松露法式蝦多士
前菜真係超多！
海鮮冷盤/特式小食類
加拿大翡翠螺一般，有d沙，但好新鮮，一d都唔腥
智利白酒藍青口係米奇米妮第一次食藍青口，比我地一般食果d青口細隻，冇白酒味，同一般青口味道一樣
磯煮鮑魚好入味，係磯燒果種鹹鹹地ge味，鮑魚唔會太乾，幾好食
凍海中蝦好大隻，啖啖肉，但其實米妮想叫個泰式生蝦試下
炸物類海蝦天婦羅居然冇俾埋天婦羅ge汁我地，見d waitress勁忙咁，叫極都冇人應就算la，天婦羅一般水準
蟹肉南爵薯餅個蟹肉原來係指薯餅上面個少少ge蟹肉，薯餅入面係冇ge...... 同埋個薯餅唔知係唔係加左d糖，有d怪異ge甜味(定係佢用另外一d品種ge薯仔呢？！)
吉列黃金炸生蠔好細ge一隻，食落口先知係炸蠔...... 炸粉相對隻蠔黎講都偏多，唔係好食到蠔味
脆炸軟殼蟹兩大舊，味道不過不失
串燒類活海鰻同平時食個d鰻魚差唔多，但係冇咁嫩，同埋會硬身d
豚肉露荀卷係用個豚肉薄片包住露荀，個荀較為老左d，食落好多渣，唔好食
黑椒牛舌心係米妮第二鍾意ge前菜，有三大舊，好有咬口，煙煙韌韌咁(又唔會去到硬)，外面有串燒個種香味，又鎖到d肉汁，正！
法式紐西蘭羊架係米妮食咁多道菜入面最好食ge一道，羊架煮得岩岩好，有肉汁又唔會有羊羶味，好肥美，食入口d汁係咇出黎ge，好香好嫩仲好大舊tim，正！
煮物類澳洲紅立鮮魚湯好香甜，可惜冇d魚肉同埋偏細碗，唔係好夠喉
汁煮美國牛肋骨有2大舊，好肥美，一開始米妮見到會覺得太肥，但係食落可能因為佢入味ge緣故又唔會話食到成口油wor，味道同肥美ge牛腩差唔多，肉質好冧好入味！
豚肉生薑燒份量較多，係用洋葱炒豚肉。米奇話似吉野家牛肉飯ge牛肉wor，米妮就覺得比吉野家ge牛肉肥美好多
黑松露法式蝦多士，松露好少，但係居然個蝦都有好重ge松露香！呢個蝦肉好食過個凍海中蝦，爽爽地咁ge，同個多士出奇地夾
法國鵝肝多士，鵝肝一向係貴價野，米妮冇諗過鵝肝會係咁大舊！外面脆脆地入面冧，入口即溶，真係令人諗返都lam lam脷
主菜就揀左：香草海鮮自助鐵板燒(大蝦、銀雪魚、帶子) 同埋美國穀飼黑豚火鍋美國穀飼黑豚火鍋：正當米奇同米妮見到枱上ge爐個陣，諗住可以自己打邊爐，但係原來個火鍋係佢整好左，將所有野放晒入去煮好左先上枱lor，d野好快就好冧><豚肉份量唔多，感覺仲少過前菜果個豚肉生薑燒ge豚肉，但係quality同口感當然好好多，入口冇咁肥，但都好滑
香草海鮮自助鐵板燒入面大蝦、銀雪魚、帶子都係各一件only，要自己煎ge！米妮終於自己落廚啦～哈哈！用牛油煎果然好香，外面脆脆地，食材都好新鮮，所以好正！如果可以份量多d仲正！
甜品揀左：手打綠茶雪糕、法式芝士餅、法式焦糖燉蛋、牛奶巨峰布甸綠茶雪糕貌似好耐先拎出黎俾我地，上枱個陣都溶左3分1...... 味道冇期望中咁好，好一般貨色
法式芝士餅真係好芝士！居然仲有芝士鹹鹹地ge味，襯托返少少甜真係好食，入口ge質感都似軟芝士咁，唔會好甜好膩咁，唯一唔好ge係個餅底太散
法式焦糖燉蛋係米奇ge至愛～最鍾意就係上面果層焦糖！脆卜卜ge襯埋個燉蛋真係perfect match！可惜米奇話今次個燉蛋冇乜蛋味，而米妮就覺得太甜，唔似米芝蓮水準lor......
牛奶巨峰布甸有d奇怪，巨峰同牛奶係分開ge，上面係巨峰下面係牛奶...... 個巨峰好似溶左ge啫喱咁，一pat pat咁...... 同牛奶布甸都唔係好夾
服務方面，唔知係唔係因為太多人，所以成日都係冇乜人收碟。同埋佢地點菜都有d混亂，上菜係張卡上面畫正字，再俾一張細細張ge紙，上面寫住係乜野菜。最無奈係有個waitress上左4個菜，但佢居然畫左5畫......真係未必個個食客都會睇得咁仔細lor......自助沙津bar冇人refill，好多野係拎完就冇。最奇怪ge係有waiter會從個沙津bar夾走d菜、蕃茄仔呢d，拎入廚房，好似係用黎整其他沙津俾食客......乜廚房冇咩，要出黎沙津bar夾......
環境方面，2個人係唔會有海景位......
下次會唔會再光臨就真係要睇有冇promotion la～
Post
