Video
Read full review
2023-12-24
701 views
第一次試米豬蓮2星既fine dining餐廳Amber, service 超好, 一入去坐低就會有口罩套比我地,有個staff 會倒D熱水落隻杯度, 杯入面既毛巾就會變大, 比我地抹手, 同埋staff會介紹每道菜嘅食材, 每道菜中間都會有staff清楚枱面，亦會換上唔同既餐具專係食果道菜~鵝肝棒棒糖味道酸酸地既莓醬外皮，包住鵝肝餡，再加上脆薑餅一齊食，外脆內軟非常有趣青口凍湯有幾粒好新鮮好有海水鹹香嘅青口配埋酸酸地既汁同埋海帶油, 再配埋卜卜脆嘅脆米，好清新好開胃Aka Uni ˚ Cauliflower ˚ Lobster ˚ Kristal Schrenki Caviar ˚呢碟係呢餐既Top one, 果然係招牌菜, 魚子醬上面放左少少金箔, 底層係椰菜龍蝦mousse, 本身以為份量好細, 但食落係超多魚子醬, 將魚子醬配Mousse再加Seaweed Crisp連埋一齊食, 魚子醬嘅咸香帶出龍蝦mousse嘅鮮甜滑溜，非常驚艷, 不過食完有少少膩Milk-Fed Veal ˚ Black Autumn Tru e ˚ Italian Parsley ˚ Banana Sh
鵝肝棒棒糖
味道酸酸地既莓醬外皮，包住鵝肝餡，再加上脆薑餅一齊食，外脆內軟非常有趣
青口凍湯
有幾粒好新鮮好有海水鹹香嘅青口配埋酸酸地既汁同埋海帶油, 再配埋卜卜脆嘅脆米，好清新好開胃
Aka Uni ˚ Cauliflower ˚ Lobster ˚ Kristal Schrenki Caviar ˚
呢碟係呢餐既Top one, 果然係招牌菜, 魚子醬上面放左少少金箔, 底層係椰菜龍蝦mousse, 本身以為份量好細, 但食落係超多魚子醬, 將魚子醬配Mousse再加Seaweed Crisp連埋一齊食, 魚子醬嘅咸香帶出龍蝦mousse嘅鮮甜滑溜，非常驚艷, 不過食完有少少膩
Milk-Fed Veal ˚ Black Autumn Tru e ˚ Italian Parsley ˚ Banana Shallot ˚ Button Mushroom ˚ Fuxiang Pear ˚ Extra Virgin Hazelnut Oil ˚
Blue Lobster ˚ Butternut Squash ˚ Amalfi Lemon ˚ Caper Leaf ˚ Extra Virgin Lemon Olive Oil ˚
最愛既第2道菜, 食之前個staff喺我哋面前刨檸檬皮, 個檬檬係Amalfi Lemon, 據稱係全世界最香嘅檸檬，的確一刨出黎就聞到好清新嘅香氣，檸檬皮既香氣配上鮮甜嘅藍龍蝦，好爽囗同鮮味濃郁，連埋爽脆嘅胡桃南瓜，食落口感有更多層次
Duck Foie Gras ˚ Purple Artichoke ˚ Tomato ˚ Carrot ˚ Bacon ˚ Onion ˚ Espelette Chili ˚ Basil ˚
以前未食過鴨肝, 而家有機會試下, 但呢碟用佐清蒸方法, 覺得冇咩味咁, 食落好軟淋淋, 再配豬腩肉同亞枝竹, 好似好奇怪, 我就麻麻地
Red Deer Loin & Neck ˚ Crapaudine Beetroot ˚ Plum ˚ Home-Made Umeboshi ˚ Pepper Berry ˚ Yellow Onion ˚ Amaranth ***
主菜係鹿肉, 都係第一次食, 食落好重肉味, 周邊係好濃郁既鹿汁, 我就唔太接受, 麻麻地陣味, 拌碟有黃洋蔥同埋紅菜頭, 覺得紅菜頭仲好食
Spinto 70% Bitter Chocolate ˚ Coconut Cream ˚ Coconut Palm Sugar ˚ Cacao Nib
甜品係甜甜嘅軟心朱古力加流心朱古力醬，配上清新椰子雪糕，食落完全唔覺得膩，作為最後一道菜有畫龍點睛嘅效果
食完九道菜以為食完, 點知仲有餐牌以外嘅甜品，包括咸咸地朱古力貝殼蛋糕，佢做到外脆內軟，好好味。另外仲有果仁夾住朱古力醬嘅曲奇，呢個比貝殼蛋糕更好食。最後仲有生果，有彩虹奇異果同埋提子，啲提子好香甜，仲好味過香印🌟
Post
