Video
Read full review
2020-12-15
4095 views
❀ Louise #中環 ❀❗️米芝蓮一星法國餐廳 天下第一雞❗️——————————————————呢間位於中環大館米芝連一星嘅法國餐廳相信唔少人都聽過✨佢哋嘅法式燒雞、拿破崙更係享負盛名！呢間餐廳其實係大廚Julien Royer向祖父母致敬，所以菜式會帶點傳統法式家庭煮法，佢喺新加坡嘅餐廳Odette 仲榮獲米知蓮三星、全亞洲第一、全球第18，來頭絕對唔野少😲！餐廳裝修花盡心思，外型有種別緻小屋嘅感覺🏡綠白色嘅外牆同外圍嘅花園互相輝影，坐喺花園有種chill嘅感覺。相反內裏就有復古嘅味道，牆身用上花紋裝修，擺上畫作。.餐廳Booking非常之滿，想去嘅記住預先網上訂位‼️最重要係留意清楚你訂嘅位置，因為唔同位置係有唔同menu，千祈唔好好似我咁傻更更預約左一個冇得嗌拿破崙嘅位置。。。(當日星期六，預約咗樓下嘅drawing room，提供weekend brunch menu，但侍應話要預約樓上嘅dining room先會有拿破崙😭).✷𝑀𝑒𝓃𝓊✷☞ Mains ♥ Smoked organic egg $168屬於三星米芝蓮Odette嘅招牌菜-煙燻雞蛋薯蓉🌟。薯蓉極之細滑，誇張到好
❗️米芝蓮一星法國餐廳 天下第一雞❗️
——————————————————
呢間位於中環大館米芝連一星嘅法國餐廳相信唔少人都聽過✨佢哋嘅法式燒雞、拿破崙更係享負盛名！呢間餐廳其實係大廚Julien Royer向祖父母致敬，所以菜式會帶點傳統法式家庭煮法，佢喺新加坡嘅餐廳Odette 仲榮獲米知蓮三星、全亞洲第一、全球第18，來頭絕對唔野少😲！餐廳裝修花盡心思，外型有種別緻小屋嘅感覺🏡綠白色嘅外牆同外圍嘅花園互相輝影，坐喺花園有種chill嘅感覺。相反內裏就有復古嘅味道，牆身用上花紋裝修，擺上畫作。
.
餐廳Booking非常之滿，想去嘅記住預先網上訂位‼️最重要係留意清楚你訂嘅位置，因為唔同位置係有唔同menu，千祈唔好好似我咁傻更更預約左一個冇得嗌拿破崙嘅位置。。。(當日星期六，預約咗樓下嘅drawing room，提供weekend brunch menu，但侍應話要預約樓上嘅dining room先會有拿破崙😭)
.
✷𝑀𝑒𝓃𝓊✷
☞ Mains
♥ Smoked organic egg $168
屬於三星米芝蓮Odette嘅招牌菜-煙燻雞蛋薯蓉🌟。
薯蓉極之細滑，誇張到好似醬咁，撈埋中間嘅溫泉蛋一齊食，非常順滑。
再加上少許煎香嘅煙肉粒，為整個蛋帶點鹹香同埋脆口。
佩服佢可以薯蓉整到呢個口感👏🏻不過自己略嫌有啲太creamy，好似食緊一堆醬汁多過一碟餸😶。
味道: 4/5 性價比: 3.8/5
Smoked organic egg
$168
172 views
0 likes
0 comments
Smoked organic egg
$168
213 views
0 likes
0 comments
.
♥ Sautéed Hong Kong frog legs $268
用上香港嘅田雞製作，細細粒肉非常精緻。
煮法係不停向田雞淋上熱滾牛油，所以外層有少少炸嘅跡象，但入口又唔覺，口感同雞肉有少少類似🙈有少少失望，好在肉質都算滑。
我略嫌味道淡咗啲，只係得少少香草同埋炸蒜。
味道: 3.9/5 性價比: 3.7/5
Sautéed Hong Kong frog legs
$268
298 views
0 likes
0 comments
.
♥ Roasted yellow chicken, Niigata rice en cocotte, salad $958
呢個絕對係Louise嘅招牌菜🌟🌟🌟分量夠三四個人，有隻原隻雞、一大兜雞油飯、沙律。
大廚又採用本地食材，用上三黃雞，配埋香港人每餐必食嘅飯，欣賞大廚入鄉隨俗嘅做法。
店員先會呈上原隻雞，然後再幫你切件。
曾經係Belon食過法式燒雞，當時驚喜唔算太大，今次再喺Louise食，無可否認調味、油脂的好香👍🏻但依然覺得同港式燒雞係有異曲同工之妙🙈(但貴過港式燒雞好多)。
外皮微脆，鹹香十足，近脾嘅位置非常滑，皮下油脂慢慢滲出，不過雞胸位置就真係幾鞋🤓。
相反我更加喜歡佢個雞油飯💕用上日本米，雞油嘅鹹香非常突出，飯粒粒分明，底下仲會有少少飯焦。表面加上少少香蔥同埋炸雞皮，香到不得了😋！
另外個沙律就真係幾難食。。。調味幾乎零，而且啲菜好苦。。。最後都係主力食個飯就算。
順帶一提，店員仲會幫你包走雞骨，俾你返屋企煲湯😹。
味道: 4.2/5 性價比: 3.8/5
Roasted yellow chicken, Niigata rice en cocotte, salad
$958
181 views
1 likes
0 comments
Roasted yellow chicken, Niigata rice en cocotte, salad
$958
242 views
2 likes
0 comments
Roasted yellow chicken, Niigata rice en cocotte, salad
252 views
0 likes
0 comments
.
☞ Dessert
甜品方面，侍應會捧上一個甜品盒俾你選擇，包括當日嘅精選甜品。客人可以先望到甜品嘅樣貌再決定試邊一款。
.
♥ Canele $58/3
作為法國嘅傳統甜品，而且製作困難，嚟到梗係要試吓！
雖然佢內裏冇蜂巢組織，但整體口感有水準，味道亦做到應有嘅焦糖冧酒香氣👍🏻。
味道: 4.2/5 性價比: 4.5/5
Canele
$58
214 views
1 likes
0 comments
.
♥ Saint-honore $128
全日最可惜就係冇辦法試到佢哋嘅招牌拿破崙。
但好在都有呢一款🤩底下同樣有拿破崙嘅酥皮，配上雲呢拿忌廉，同埋超級好味嘅焦糖泡芙！泡芙表面有層焦糖厚脆皮，一咬開，內裏creamy嘅custard爆曬出嚟，成個甜品口感極度豐富，甜度要平衡得剛好💞。
係全餐我最欣賞嘅食物，極之好食！
味道: 4.7/5 性價比: 4.4/5
Saint-honore
$128
168 views
0 likes
0 comments
.
整體來講，無可否認隻雞的確好香，肉汁香濃，不過係咪天下第一雞，究竟值唔值成$1000就見仁見智😶我自己最鍾意反而係個甜品，其次係個雞飯，其他菜式就冇我期望咁特別。另外值得一提呢度雖然係食法國菜，但係冇法國菜嗰種拘束，成個感覺都係好casual，好似係屋企食飯咁，大家都會大聲傾偈😆但相反，侍應嘅服務亦都冇咁周到，唔會好似其他酒店嘅餐廳咁，時刻留意着你嘅需要。
325 views
0 likes
0 comments
Post
