Video
Read full review
2024-08-27
1539 views
下面大部分嘅好評係幾咁唔合乎呢間餐廳嘅真實狀況，真係不予置評。網上見到好多唔同channel嘅文章都寫呢間餐廳係”米芝蓮三星”。首先，米芝蓮來講，一上佢網站打個名，無論只係推介抑或係有攞星，d餐廳名都會出晒來。我就搵唔到有呢間餐廳個名，大家都不妨去試試搵一搵🤔其實咁都唔緊要，可能佢意思係”米芝蓮三星前班底”，即係間餐廳嘅職員？廚師？可能以前做過米芝蓮三星餐廳？咁就要講下我今日經歷。一入門口，waiter話搵唔到我booking，皺晒眉頭好似好annoyed咁係咁望住個mon，然後我從容不迫地拎左個booking confirmation出來俾佢睇，佢望一望，冷冷一句：”啊係，你有book”，唔好意思都冇句、一個好基本殷勤少少嘅樣都冇，完。米芝蓮三星會係咁嘅service training？間餐廳自己講完唔面紅？然後就到野食喇，餐包同餐湯我都費事影，簡單講，是但一間尖沙咀街巷開午市果種bar都係咁嘅水準。主菜個澳洲M9和牛係唯一整得唔錯：然後搞笑野來喇，我地加$238叫左三件海膽多士，如下🤣🤣🙈：佢一放低碟多士果刻，我同個fd同時忍唔住笑左出來，除左size細到笑死人之外，佢個擺盤…..
網上見到好多唔同channel嘅文章都寫呢間餐廳係”米芝蓮三星”。首先，米芝蓮來講，一上佢網站打個名，無論只係推介抑或係有攞星，d餐廳名都會出晒來。我就搵唔到有呢間餐廳個名，大家都不妨去試試搵一搵🤔
其實咁都唔緊要，可能佢意思係”米芝蓮三星前班底”，即係間餐廳嘅職員？廚師？可能以前做過米芝蓮三星餐廳？咁就要講下我今日經歷。
一入門口，waiter話搵唔到我booking，皺晒眉頭好似好annoyed咁係咁望住個mon，然後我從容不迫地拎左個booking confirmation出來俾佢睇，佢望一望，冷冷一句：”啊係，你有book”，唔好意思都冇句、一個好基本殷勤少少嘅樣都冇，完。
米芝蓮三星會係咁嘅service training？間餐廳自己講完唔面紅？
然後就到野食喇，餐包同餐湯我都費事影，簡單講，是但一間尖沙咀街巷開午市果種bar都係咁嘅水準。主菜個澳洲M9和牛係唯一整得唔錯：
0 views
0 likes
0 comments
然後搞笑野來喇，我地加$238叫左三件海膽多士，如下🤣🤣🙈：
0 views
0 likes
0 comments
佢一放低碟多士果刻，我同個fd同時忍唔住笑左出來，除左size細到笑死人之外，佢個擺盤…..大家自己睇，登登登凳，米芝蓮三星擺盤！😂😂😂
最後問我地要唔要甜品，當然係thanks but no thanks。
但最好笑係waiter A呢頭問完我地話唔使，喺正佢後面果個waiter B又埋來放低條甜品餐巾同甜品匙喺我枱面，然後放放下佢好似突然知自己發緊夢做多左野，跟住就走左去冇對我fd做同樣嘅野。
然後我聽到喺後面waiter A同waiter B講：”你都放左啦放埋俾對面果個啦”，跟住waiter B又無情情走番來放多隻甜品匙俾我fd，成個畫面勁odd同唔專業…..又係佢地獨門嘅米芝蓮三星式服務？😂😂😂
網上咁多廣告/評價不斷用 ”米芝蓮三星” 呢d用語去形容呢間餐廳，我唔知佢個所謂三星班底係指廚房丫抑或係樓面，但兩樣我都感覺唔到係，認真好伏。
我好少寫食評，但因為今日間餐廳係我揀，然後我都俾個fd鬧左好耐🤦🏼♀️ 所以要出番個良心post俾大家知道真相，唔好中伏。
Post
