Video
Read full review
2018-09-21
1304 views
又到happy fri～經過好多星期落雨之後，今個星期終於放晴～仲要非常炎熱...今日lunch就諗緊不如食啲平時好少食既野啦～平時食嚟食去都係粉麵飯意粉...既然天氣咁熱，就食個印度餐去迎合一下天氣啦平時行過般咸道係皇仁書院對開馬路都成日聞到香咖哩味，所以今日就嚟試下啦！可能位置並唔係係第一二三同水街，少咗好多學生等位！唔駛等就直接有位啦～呢間嘢都有做lunch set～價位大概係$60-70，包一個湯同餐飲～menu都幾多款式～我呢啲牛魔王一睇就點咗瑪莎拉牛～其實瑪莎拉係咩我真係唔知道，我估應該都係咖喱嘅種類，然後配naan～首先上一個南瓜湯～同平時西餐果款南瓜湯又有啲唔同～佢係比較稀嘅，唔會咁杰，但飲落又會有一粒粒南瓜...可能係印度式南瓜湯？之後上主菜！瑪沙拉牛+印度薄餅～個display都擺得幾靚～而且二塊薄餅都幾大塊～先講薄餅～上嘅時候係熱辣辣～佢麵粉落得好足夠唔會係空氣薄餅～而且佢都幾脆～又好吸咖喱汁～下次想試下佢其他味道嘅Naan～應該都唔錯嘅！另外個馬沙拉牛～我最緊要係個咖喱汁夠多，可以足夠比我點晒2塊薄餅～呢間真係比得夠多～同埋啲牛佢係想用有少少根嘅部位，比較淋身，
平時行過般咸道係皇仁書院對開馬路都成日聞到香咖哩味，所以今日就嚟試下啦！
可能位置並唔係係第一二三同水街，少咗好多學生等位！唔駛等就直接有位啦～
呢間嘢都有做lunch set～價位大概係$60-70，包一個湯同餐飲～
menu都幾多款式～我呢啲牛魔王一睇就點咗瑪莎拉牛～其實瑪莎拉係咩我真係唔知道，我估應該都係咖喱嘅種類，然後配naan～
首先上一個南瓜湯～
南瓜湯
198 views
0 likes
0 comments
同平時西餐果款南瓜湯又有啲唔同～佢係比較稀嘅，唔會咁杰，但飲落又會有一粒粒南瓜...可能係印度式南瓜湯？
之後上主菜！瑪沙拉牛+印度薄餅～
瑪沙拉牛
61 views
0 likes
0 comments
印度薄餅
48 views
0 likes
0 comments
瑪莎拉牛
$60
123 views
0 likes
0 comments
個display都擺得幾靚～而且二塊薄餅都幾大塊～先講薄餅～上嘅時候係熱辣辣～佢麵粉落得好足夠唔會係空氣薄餅～而且佢都幾脆～又好吸咖喱汁～下次想試下佢其他味道嘅Naan～應該都唔錯嘅！
另外個馬沙拉牛～我最緊要係個咖喱汁夠多，可以足夠比我點晒2塊薄餅～呢間真係比得夠多～同埋啲牛佢係想用有少少根嘅部位，比較淋身，啲肉完全吸收咗咖喱汁嘅精華，每一啖都好入味～同埋牛肉件數都唔少，食到最底會食到有啲洋蔥同埋少少香料，應該係每個咖喱都分開逐個煮所以先會有呢啲香料係底～幾好誠意！
食完之後值得一讚係侍應會再嚟問我哋要唔要紙巾同埋拎牙籤比我哋，仲俾平時食嘢嘅menu我哋睇下，佢好努力去介紹佢其他唔同嘅印度咖喱～證明佢哋對自己整嘅嘢食非常有信心同熱誠～
Post
