Shining Restaurant & Lounge (Closed)

今日去左銅鑼灣行街，順便去朋友介紹嘅一間新式酒吧，依間酒吧真係好特別，融入了潮式菜的風味。餐廳服務員仲同我地介紹佢哋的白鹵水係自家用海鮮特別釀製，鮮味十足且配上鵝片十分匹配。我地叫左一份獅頭鵝三併，有鵝頭，鵝頸同鵝片。因為鵝肉新鮮又醃得入晒味，即使唔點鹵水汁都十分好味。鵝頸有肉，唔會得塊皮，一定係一隻肥鵝😂。另外，我哋仲有叫到招牌白滷水海鮮拼盤，入面有墨魚片，鮑魚，章魚，蝦，最好味的是墨魚同鮑魚，食到停唔到口。😋果然係有米芝蓮大廚主理的質素，值得再去食多餐！