Video
Read full review
2023-11-24
363 views
💁♀️💁♂️ 16/11/2023(Thu), 晚餐前甜食😆話說💁♀️為食妙妙都好鍾意食churros，除咗睇戲🎬會去戲院小食部買嚟邊睇邊食之外，亦都試過唔係睇戲都特登去戲院🎬買嚟食🙈。但原來遠在天邊，近在眼前，喺為食妙妙公司附近開咗間churros專門店 - Twist & Buckle，仲有米芝蓮推介㖭，今晚放工一於去試試先！餐廳主力都係做外賣，舖內只有幾個面壁嘅座位，同埋門口嘅一個靚靚打卡位。眼見嚟到嘅客人都係外賣為主，所以堂食都唔難有位坐。而今晚我地order咗：🔆 Banoffee（$58）熱焫焫嘅原味Churro插喺牛奶🥛軟雪糕上面，再加上焦糖香蕉同埋拖肥醬。牛奶軟雪糕🍦軟滑得嚟又奶味夠濃即使配上相對濃味嘅拖肥醬都唔會被搶咗味道，單係呢個軟雪糕已經係唔錯。插喺雪糕上面嘅係一條原味churro，灑上肉桂砂糖，熱焫焫嘅churro炸得外脆內軟又帶點煙韌，加上肉桂砂糖嘅香味，呢條churro可以講得上喺香港食過數一數二好食嘅churro😍😋！當雪糕🍦同churro兩者結合一齊，香甜嘅味道再配合一冷一熱嘅口感，十分滿足👍🏻。🔆 Pistachio Crunch（$40）為食妙妙同A
💁♀️💁♂️ 16/11/2023(Thu), 晚餐前甜食😆
話說💁♀️為食妙妙都好鍾意食churros，除咗睇戲🎬會去戲院小食部買嚟邊睇邊食之外，亦都試過唔係睇戲都特登去戲院🎬買嚟食🙈。但原來遠在天邊，近在眼前，喺為食妙妙公司附近開咗間churros專門店 - Twist & Buckle，仲有米芝蓮推介㖭，今晚放工一於去試試先！
餐廳主力都係做外賣，舖內只有幾個面壁嘅座位，同埋門口嘅一個靚靚打卡位。眼見嚟到嘅客人都係外賣為主，所以堂食都唔難有位坐。
而今晚我地order咗：
🔆 Banoffee（$58）
熱焫焫嘅原味Churro插喺牛奶🥛軟雪糕上面，再加上焦糖香蕉同埋拖肥醬。牛奶軟雪糕🍦軟滑得嚟又奶味夠濃即使配上相對濃味嘅拖肥醬都唔會被搶咗味道，單係呢個軟雪糕已經係唔錯。
插喺雪糕上面嘅係一條原味churro，灑上肉桂砂糖，熱焫焫嘅churro炸得外脆內軟又帶點煙韌，加上肉桂砂糖嘅香味，呢條churro可以講得上喺香港食過數一數二好食嘅churro😍😋！
當雪糕🍦同churro兩者結合一齊，香甜嘅味道再配合一冷一熱嘅口感，十分滿足👍🏻。
🔆 Pistachio Crunch（$40）
為食妙妙同A先生都鍾意食開心果嘅甜品，所以當佢哋見到呢度嘅churro可以加開心果醬同埋開心果碎，佢地絕對唔使諗就揀呢個。
開心果醬嘅味道自然而濃郁，加上粒粒嘅開心果碎，熱焫焫嘅churro，趁熱食口感味道都一流。建議有glazing嘅churro都係趁熱食咗先，否則放耐咗會有輕微腍咗嘅情況，影響口感。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9.5/🔟
👉🏻 喺餐廳即買即食嘅口感同味道都會係最好嘅，放耐咗凍咗有機會無咁脆
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可考慮對面友邦廣場🅿️或者附近維多利中心既錶位場🅿️
👉🏻 餐廳近住英皇道，炮台山站行過嚟都唔使5分鐘，英皇道有大量巴士線經過，十分方便
🔆🔆🔆🔆🔆🔆🔆🔆🔆🔆🔆🔆🔆
Post
