Joyful Dessert House

Open Now

Now Closed

同朋友一齊食完飯路過，見到呢間門口貼住米芝蓮推介，就膽粗粗想試下。一坐低就一人一杯水，每人各叫一款，我直接揀左米芝蓮推介嘅芒果拿破崙（$64），拿破崙酥皮脆卜卜，食落好容易碎，中間每一層都有Cream，少少偏甜，芒果粒都唔酸，份量十足，都幾好食。對面嘅係朋友叫嘅伯爵奶茶奶凍（$52）。朋友叫嘅芒果窩夫（$64）同紫薯窩夫（$64），都大讚窩夫鬆軟好食，份量大到可以當正餐，而紫薯雪糕好特別。要等一陣先上嘅綠茶心太軟伴雪糕（$64），唔記得影切開流心果下，睇落都流晒口水。雖然價格偏貴左少少，不過感覺唔錯，下次都想試下窩夫。