潮式腸粉家菜館 (Closed)

收藏了一段時間的潮式腸粉店, 終於有時間來試試。原來它由元朗搬出太子, 所以暫時不太多食評, 而店子座位不太多, 以大枱為主, 因為食物都大份為主, 多人share比較適合。看一看牆上, 嘩, 利害啦, 連續多年拿到米芝蓮推介, 無斷過。潮式豬肉腸粉皮滑滑的, 有蛋香味, 內裡還有蝦米、冬菇等材料, 醬汁不會太鹹太濃味, 對我來說剛好, 幾特別的腸粉, 值得一試。潮式招牌蠔仔粥叫左細碗, 但都幾大份, 兩個人食都幾多, 湯頭特別鮮甜, 就算食唔晒米飯都要飲晒湯, 蠔仔份量多又鮮味, 仲有魷魚粒粒吊味, 真不錯。大地魚炒芥蘭大地魚炒菜很特別, 比較濃味和咸香, 菜十分夠份量, 二人以上食比較好。薏米水煲的時間好夠, 水都變成米白色, 薏米都好淋身, 甜度剛剛好。