華園甜品專家

Open Now

Now Closed

同朋友喺新蒲崗食完飯之後過嚟食嘅甜品，見到牆上面黐住米芝蓮推薦嘅poster期待值即刻高咗好多，但實質上出品質素只可以話係一般可接受，冇超出預期嘅感覺。楊枝甘露味道都算幾濃郁，但係入面嘅西柚同埋柚子果肉導致整個甜品嘅味道會有一絲苦味，但勝在芒果嘅味道夠甜可以綜合到甜品本身有嘅苦味，再加上整體口感比較濃厚所以感覺都不錯。但整體來講未到米芝蓮水平咁誇張。核桃燉奶燉奶嘅口感都好滑，奶味就唔算係太濃。中間夾住嘅核桃露堅果味好出但係口感就比較多堅果碎，我自己就比較鍾意順滑啲嘅口感。