Video
Read full review
2023-10-22
1303 views
在香港想搵一間出品有質素及環境舒適的潮洲菜館，真係買少見少。無辦法啦，做飲食都堅係好辛苦，又搵唔到接班人，加上香港舖租又貴，人工又貴，食材又貴，所以好多老字號的餐廳都相繼忍淚結業，仲要目前既經濟情況，直情係飲食界的寒冬，對於熱愛飲食既人都係一個折磨。但今日好好彩俾我在網上搵到間#米芝蓮潮洲餐廳（#阿鴻小館），原來呢間餐廳大有來頭，在觀塘經營多年，之前在鴻圖道地鋪大排長龍，有好多招牌菜，但原來間餐廳被邀請進駐入酒店一樓，就正正位於舊址對面，環境比以前更勝一籌，豪華的裝修，每枱坐席都十分寬敞，更設有4間VIP房，私人聚會或者商業聚餐都非常適用，在觀塘有呢類食堂簡直係人間天堂。今晚主要係四個人的家庭聚餐，餐廳的服務真係非常到位，除左安排左舒適的位置，仲幫我安排 #Omakase，我諗都無諗過食潮洲菜都有 #Omakase，真係十分驚喜。今晚既菜單由頭盤到甜品合共有8度菜式，每味都獨當一面。#頭盤：（ #餐前小品 、 #竹炭脆豆腐 、 #川味小黃瓜 ）餐前小品 - #鹵水元蹄 ，元蹄入晒味，皮層十分爽口，咬落含有豐富的骨膠原，有如養顏補品，非常出色。#竹炭脆豆腐 - 一𥖁𥖁表面黑色的豆腐，面頭
但今日好好彩俾我在網上搵到間#米芝蓮潮洲餐廳（#阿鴻小館），原來呢間餐廳大有來頭，在觀塘經營多年，之前在鴻圖道地鋪大排長龍，有好多招牌菜，但原來間餐廳被邀請進駐入酒店一樓，就正正位於舊址對面，環境比以前更勝一籌，豪華的裝修，每枱坐席都十分寬敞，更設有4間VIP房，私人聚會或者商業聚餐都非常適用，在觀塘有呢類食堂簡直係人間天堂。
今晚主要係四個人的家庭聚餐，餐廳的服務真係非常到位，除左安排左舒適的位置，仲幫我安排 #Omakase，我諗都無諗過食潮洲菜都有 #Omakase，真係十分驚喜。今晚既菜單由頭盤到甜品合共有8度菜式，每味都獨當一面。
#頭盤：（ #餐前小品 、 #竹炭脆豆腐 、 #川味小黃瓜 ）
餐前小品 - #鹵水元蹄 ，元蹄入晒味，皮層十分爽口，咬落含有豐富的骨膠原，有如養顏補品，非常出色。
#竹炭脆豆腐 - 一𥖁𥖁表面黑色的豆腐，面頭鋪上小小炸蒜，令我十分好奇，到底係咩玩法，點知咬一口就感受到外脆內軟，濃郁既豆香從口中爆發，回味無窮。
#川味小黃瓜 - 一段段平平無期的小黃瓜經過精心雕琢，外表勁似綿花糖，但我本身最怕些草青味，但見到外表甘得意就夾舊試下，點知食落唔止原完無草青味，仲有一種好清新既味道，配合秘製的甜酸醋，醒胃到不得了，令我對小黃瓜都改觀。
#冰鎮南非鮑魚配雞絲海蜇
呢度菜一上碟，令我對眼都突一突，隻隻鮑魚都手掌甘大隻，每隻切開三片，中間仲有雞絲海蜇伴碟，淨係擺碟都已經好昅晴。食一口就食到鮑魚既鮮味，Wasabi都唔駛，再配搭雞絲海蜇一齊食層次感更足。
#滷水鵝肉錦繡拼盆
錦繡拼盆除左滋味既滷水鵝肉，仲有大大片既大腸，軟綿綿既滷肉片及滷水豆腐，滷水就絕對係潮州菜嘅Signature，貴為米芝蓮食肆都唔會失望。
#金湯潮式石鍋翅
潮式翅都係第一次食，除左翅既份量十足，湯底相當濃郁，再加入銀芽、芫茜、適量陳醋，整個配搭一試難忘。
#經典冰鎮咕嚕肉
呢味餸先講擺設都相當震撼，中間擺設以拔絲製作出冰山，鋪滿新鮮嘅生果，咕嚕肉選用五花腩作食材，再用咕嚕汁緊緊包在外層，以冰鎮既方法處理，令表面非常卜卜趣。
#花膠海鮮冬瓜甫
經過幾度相對濃味的菜式後，最後一度主菜，冬瓜甫作結尾，清啖地讓喉嚨回復清新，消除油膩的感覺。
#甜品：#桃膠焦糖燉蛋
#Fusion甜品 帶來大大驚喜，#焦糖燉蛋 鋪滿厚厚既 #桃膠，互相輝映， 另整頓晚餐生色不少，大家都食到直豎拇指。
頭盤：（餐前小品、竹炭脆豆腐、川味小黃瓜）
26 views
0 likes
0 comments
竹炭脆豆腐
41 views
1 likes
0 comments
川味小黃瓜
26 views
0 likes
0 comments
餐前小品
39 views
0 likes
0 comments
冰鎮南非鮑魚配雞絲海蜇
41 views
0 likes
0 comments
滷水鵝肉錦繡拼盆
42 views
0 likes
0 comments
酸薑皮蛋
29 views
0 likes
0 comments
金湯潮式石鍋翅
28 views
0 likes
0 comments
經典冰鎮咕嚕肉
30 views
0 likes
0 comments
花膠海鮮冬瓜甫
33 views
0 likes
0 comments
甜品：桃膠焦糖燉蛋
27 views
0 likes
0 comments
Post
