靠得住粥麵小館 (形點 II)

Open Now

Now Closed

嗰日行Yoho II 3樓無意中發現開咗間新嘅中菜館。佢開係Starbucks 隔離行到最入，門口係同其他兩間餐廳連住。唔好睇佢門口細細，其實入面都幾大。而且佢碗碟餸都好好味🥰麻辣小黃瓜 $22 🥒首先帶咗個開胃前菜。小黃瓜爽脆，上面啲麻辣醬都畀得好多，鍾意食麻辣朋友一定好鍾意加咗少少醬都食到佢嘅辣味。🌶心肝寶貝粥 $78 🐖🐚粥真係有驚喜！原本諗住佢會同出邊啲粥差唔多但係一食落去好鮮甜好綿！🤩每一啖都有滿滿嘅帶子海鮮甜味，而且每一粒米都開哂花，好綿，唔會水汪汪。豬膶亦都係我食過最好味嘅！🐷豬潤切成厚切，煮到啱啱好，咬開中間冇血水，食落爽口唔鞋，冇筋。仲要係無血水，帶子亦都好鮮甜，大大粒，好足料！🤤🤤真正東江鹽焗雞 $148🐓果然係米芝蓮推介！👍🏻雞肉好滑好嫩，熟度啱啱好。雖然係鹽焗但係唔會過咸，仲食到鹽嘅鹹香味。呢雞仲要起咗骨，啖啖肉，唔使自己選，食得好開心🤭重慶酸菜魚 $148 🐟酸菜魚一嚟到真係哇一聲！🗣個碟好靚之餘，入面仲有原條䱽魚😳。出面有啲餐廳好吝嗇俾啲雪魚塊仲要得好少，呢度就唔同，睇得出佢係用心煮❤️䱽魚本身肉質比較實，食落又帶一點嫩滑，加上經過油泡食到有炸魚嘅惹味冇醒味。