阿利水韓國料理 (Closed)

配菜控既我，其實鐘意食配菜既程度係只食配菜食到飽我都可以，呢間米芝蓮級既韓國料理絕對滿足到我。每一道配菜都做得好出色，未上主菜已經有12道配菜俾你食。海鮮辣麵鍋隻八爪魚超級巨型，仲要原隻上，要出動到大較剪先可以食用，圖片中都見到有唔同種類既海鮮，樣樣都好新鮮，最驚喜係麵身竟然出奇地好食。韓式泡菜豬肉包，份量多得恐怖，佢地用上自家製泡菜，終於可以響香港食到正宗韓國泡菜，豬肉烤得香脆，配上生菜，可以去除油膩感。