Video
Read full review
2011-01-09
17 views
照例望完彌撒，照舊同老婆去食恆河，但感覺大不同！以下為食完埋單既一段對話-老闆：「多謝$140。」我：「（錯愕貎）下？$140？！」老闆：「係呀，兩個餐飲凍飲嘛！」我：「下我以為一個餐係四十幾蚊...（依然錯愕）」老闆：「（沒好氣貎）我地而家冇做果個價，都轉左好耐（下我兩、三個星期冇黎咋喎！），以後逢星期六、日都係呢個價。報紙呀盛都有報導我一舉一動（下你加價報紙都有講咁大陣仗？！）」老闆娘則急急腳去拎個餐牌俾我睇，證明佢地唔係扼人或者將價錢寫到細細粒果啲參茸海味舖：「拿你睇，呢度寫住$68！」有咩可以做？俾多張一百蚊紙埋單囉。回家途中唔忿氣，因為諗極唔明點會加價加咁多，仲要心諗：「超，以為自己米芝蓮餐廳咩！」點知上黎一睇，真係...升格固然恭喜，但一次過加八成價？裝修冇變野食冇變服務冇變，只係多左個函頭就盛氣凌人，咀都O埋。（;￣O￣）野食係好食，如果唔係唔會支持咁耐。但多左個名就貴咁多，有冇照顧過我地呢群長期支持既人？有冇咁心急要藉住個名大賺？如果佢本身係咁既價我唔會出聲，但同一樣既野要我俾多咁多錢去食返我就覺得唔值囉... 重話報紙有報導你一舉一動，唉，一朝得志...( *｀ω´)
以下為食完埋單既一段對話-
老闆：「多謝$140。」
我：「（錯愕貎）下？$140？！」
老闆：「係呀，兩個餐飲凍飲嘛！」
我：「下我以為一個餐係四十幾蚊...（依然錯愕）」
老闆：「（沒好氣貎）我地而家冇做果個價，都轉左好耐（下我兩、三個星期冇黎咋喎！），以後逢星期六、日都係呢個價。報紙呀盛都有報導我一舉一動（下你加價報紙都有講咁大陣仗？！）」
老闆娘則急急腳去拎個餐牌俾我睇，證明佢地唔係扼人或者將價錢寫到細細粒果啲參茸海味舖：「拿你睇，呢度寫住$68！」
有咩可以做？俾多張一百蚊紙埋單囉。回家途中唔忿氣，因為諗極唔明點會加價加咁多，仲要心諗：「超，以為自己米芝蓮餐廳咩！」點知上黎一睇，真係...
升格固然恭喜，但一次過加八成價？裝修冇變野食冇變服務冇變，只係多左個函頭就盛氣凌人，咀都O埋。（;￣O￣）
野食係好食，如果唔係唔會支持咁耐。但多左個名就貴咁多，有冇照顧過我地呢群長期支持既人？有冇咁心急要藉住個名大賺？如果佢本身係咁既價我唔會出聲，但同一樣既野要我俾多咁多錢去食返我就覺得唔值囉... 重話報紙有報導你一舉一動，唉，一朝得志...( *｀ω´)
米芝蓮，多得你...唔少。
Post