皇玥 (Closed)

經過尖沙咀海防道見到皇玥，記得之前有朋友介紹我，試過非常美味，今次自己入去再選購。知道皇玥的師傅係半島月餅的始創人和米芝蓮2星的餅藝師傅，有質素保證，今次我買咗牛油脆曲奇和芝士薄脆。曲奇香酥又鬆脆，牛油味夠哂濃郁。店員介紹佢哋的曲奇係用上天然嘅法國牛油、上等麵粉同雞蛋為材料。 芝士薄脆非常有驚喜，薄薄一片，口感輕盈，非常美味香脆，值得推介！除此之外，店種類好多，仲有蝴蝶酥、唐果子、蜂巢蛋卷、酥條、月餅……非常多選擇。