香宮

Open Now

Now Closed

Christmas Eve 唔想同人迫食西餐，今晚好特別去咗食中菜。估唔到餐廳都有少少聖誕裝飾，汽球，有聖誕帽accessories 準備俾客人。一坐低就有杯桂花菜，so nice。第一次嚟淨係ordered推介食物。蜜汁叉燒，唔肥但做到好鬆化，有少少焦香，仲配有蜜餞豆，正。朋友訂枱話有兩款蟹蓋，所以各叫一款。炸蟹蓋，外面炸到脆卜卜，入面啲全部蟹肉加少少洋蔥，十分之足料。芝士蟹蓋，外面芝士焗得好香，入面都係滿滿嘅蟹肉。個人覺得唔大食，可以兩個人share一個就夠。龍蝦湯脆米海鮮泡飯，湯係十分濃龍蝦味但唔會好膩，有爽口彈牙龍蝦，配油炸鬼薄片同脆米，口感好好。餐廳會送一棵好靚可以打卡嘅甜品樹，每枱都有少少唔同，我見附近張枱有桂花糕，紅棗糕但我無…. 因為第一次嚟唔知有甜品樹，所以我哋ordered芝麻卷，有芝麻味唔太甜。同埋焗西米布甸，入面係栗子蓉。