Video
Read full review
2020-10-30
212 views
朋友話好耐無食burger，又話呢間係香港米芝連指南推介嘅餐廳，明嘅......咁即係想食呢間burger shop啦😂我哋4條友同時都對Classic Burger有興趣，所以就點咗2 set經典2人餐！▶️經典2人餐（$288）每個餐除咗有2個Classic Burger外，仲有和風沙律醬薯條、2隻雞翼及2杯汽水！🍔Classic Burger老實講，我哋一致認為個burger唔好食🥴首先個burger好鹹，煙肉食落都幾乾，牛肉又唔夠juicy，反而感覺好油，所以成個burger嘅感覺係又鹹又乾又嚡口，要不停飲汽水😓底部嘅軟包可能係咁吸油，結果又濕又梅，口感好核突，朋友食剩1/4已食唔到落去！🍟和風沙律醬薯條呢個薯條基本上係成個餐最好食嘅，薯條係新鮮熱辣即炸，加入木魚絲、紫菜碎和沙律醬等，幾香口惹味😋🍗雞翼雞翼都係新鮮即炸，炸得幾香口，但雞翼應該毫無經過醃製，所以係淡而無味嘅😓🥤汽水如果唔飲汽水，可以每支加$20嘅價錢換成支裝啤酒！完全唔明點解米芝連推介竟然係呢個質素，呢間餐廳係我呢三個月嚟食過最難食嘅burger shop，唯一值得推介嘅係餐廳做緊STELLA啤酒🍺全日買一送一pr
我哋4條友同時都對Classic Burger有興趣，所以就點咗2 set經典2人餐！
▶️經典2人餐（$288）
每個餐除咗有2個Classic Burger外，仲有和風沙律醬薯條、2隻雞翼及2杯汽水！
🍔Classic Burger
老實講，我哋一致認為個burger唔好食🥴首先個burger好鹹，煙肉食落都幾乾，牛肉又唔夠juicy，反而感覺好油，所以成個burger嘅感覺係又鹹又乾又嚡口，要不停飲汽水😓底部嘅軟包可能係咁吸油，結果又濕又梅，口感好核突，朋友食剩1/4已食唔到落去！
🍟和風沙律醬薯條
呢個薯條基本上係成個餐最好食嘅，薯條係新鮮熱辣即炸，加入木魚絲、紫菜碎和沙律醬等，幾香口惹味😋
🍗雞翼
雞翼都係新鮮即炸，炸得幾香口，但雞翼應該毫無經過醃製，所以係淡而無味嘅😓
🥤汽水
如果唔飲汽水，可以每支加$20嘅價錢換成支裝啤酒！
完全唔明點解米芝連推介竟然係呢個質素，呢間餐廳係我呢三個月嚟食過最難食嘅burger shop，唯一值得推介嘅係餐廳做緊STELLA啤酒🍺全日買一送一promotion，如果唔食burger，改為齋飲酒都幾抵嘅👍🏻
Post
