Video
Read full review
2015-10-16
678 views
早知晨早落黎攞位啦，依家先叫到 33 號，幾時先到 43 喎﹗有無咁好食呀？多人成咁，無試過諗住黎一探佢虛實添。好無決定同美女 Yo 及美女希飛的落大埔翠榮食雞煲算呢？難得兩位美少女專登入黎上水同我食晚飯，但居然排長龍，真係唔好意思要大家一齊企街等位。傳聞中美味醉雞煲，就由您試起先，有菜送喎，多謝。生料好少種類，亦無海鮮，亦無靚食材，全部都非常普通及平價野，提唔起食慾呢。基本上坐係度無咩人理，雞煲、生料都上得慢，可能因為樓上雅座仲要坐到最入面啦。馳名醉雞鍋細雞，唔知大雞有幾大呢？得佢滾起再落雞，再滾起熄火焗一焗就食得喇，製作鮮嫩雞肉既方法。飲住啤酒等，個火好慢有排等。雞件都幾靚女喎，白雪雪又富光澤，睇落好有彈性及新鮮，賣相滿意。放完雞件再次滾起，好肚餓，開飯喇！試啖湯先，超甜紅棗味囉，藥材味同紹酒味微弱到近乎零，唔掛知得加酒要加 $10 大元啦！成鍋紅棗茶一樣勁甜，救命！慢慢浸熟既雞肉非常嫩滑多汁呢，肥瘦適中，泛著鮮雞味道，但已滲入太多紅棗甜味喇，甜雞怪怪的。鮮牛肉，好明顯一早切定醃埋分好晒落碗度，出晒血水喇！賣相完全係乸過既牛肉顏色及質感。𤆥一堆試試，乸到滑啫啫又腍劈劈，好假既牛嘋無
早知晨早落黎攞位啦，依家先叫到 33 號，幾時先到 43 喎﹗有無咁好食呀？多人成咁，無試過諗住黎一探佢虛實添。好無決定同美女 Yo 及美女希飛的落大埔翠榮食雞煲算呢？難得兩位美少女專登入黎上水同我食晚飯，但居然排長龍，真係唔好意思要大家一齊企街等位。
傳聞中美味醉雞煲，就由您試起先，有菜送喎，多謝。生料好少種類，亦無海鮮，亦無靚食材，全部都非常普通及平價野，提唔起食慾呢。基本上坐係度無咩人理，雞煲、生料都上得慢，可能因為樓上雅座仲要坐到最入面啦。
馳名醉雞鍋細雞，唔知大雞有幾大呢？得佢滾起再落雞，再滾起熄火焗一焗就食得喇，製作鮮嫩雞肉既方法。飲住啤酒等，個火好慢有排等。
雞件都幾靚女喎，白雪雪又富光澤，睇落好有彈性及新鮮，賣相滿意。放完雞件再次滾起，好肚餓，開飯喇！試啖湯先，超甜紅棗味囉，藥材味同紹酒味微弱到近乎零，唔掛知得加酒要加 $10 大元啦！成鍋紅棗茶一樣勁甜，救命！慢慢浸熟既雞肉非常嫩滑多汁呢，肥瘦適中，泛著鮮雞味道，但已滲入太多紅棗甜味喇，甜雞怪怪的。
鮮牛肉，好明顯一早切定醃埋分好晒落碗度，出晒血水喇！賣相完全係乸過既牛肉顏色及質感。𤆥一堆試試，乸到滑啫啫又腍劈劈，好假既牛嘋無鮮肉香，算罷啦。依度只有 cheap cheap 肥牛供應，見到隔離枱嗰碟係街市十幾蚊磅貨色，即係肥膏多過煙肉嗰款，瘦肉只有一兩成囉，我放棄唔要喇。
自家雲吞，雲吞定水餃黎架？永發自家還是人地自家呢？味道同質感似水餃多過雲吞，咬落結實唔價散開，滿意。都係嗰句，湯底太甜，烚任何食物都甜甜地囉。
長蟹柳，我都好驚唔知比咩我，所以問問侍應阿姐先，最終都係得唔到答案，照叫黎試試無緊要。原來係遇水即溶，烚兩烚散晒嗰隻大陸蟹棒，麻麻地。我仲諗住佢寫長蟹柳會係日本皇帝蟹柳，我真係諗多左。
不是傳說中咁好食吧！唔係醉雞煲，係紅棗甜雞煲囉！雞幾好味好滑有雞味，其他生料普通到唔想食，非常一般既一般。失望！豁出去吧！第一次亦可能係最後一次。
Post
