老長沙湘菜館 (Closed)

今日放假，帶媽媽食湖南菜當中午飯，這裡的大桶飯已經想試好久，因為呢家餐館係採用東北米，真心未試過，今日終於可以來品嚐喇。這東北米幾特別，少少濕，又帶點軟糯口感，蠻喜歡這獨特的米飯。前菜酸辣海帶，爽口入味，正。無骨黑鳳爪，第一次見，唔好比佢外表嚇到，好爽好好味架，必試推介。我點了“小炒肉木桶飯”，尖椒炒回鍋肉，爽口彈牙，又有脂肪的細滑感，加上配料炒得好香口，香辣適中，差不多ko左一桶飯，有夠誇張呢。媽媽點了“有機花菜木桶飯”，花菜爽甜清脆，跟玻璃肉炒在一起，惹味層次豐富，帶點辣，媽媽食到停不了口。午市套餐除左包汽水，仲有無限量的白飯供應，絕對超值。學生仲有優惠七折。