賢河日本料理

Open Now

Now Closed

粉嶺花都已經非常多嘢食， 這間餐廳已經開業年幾了，今次我和老公今次第二次再去食。 由於我們是即興walk in， 沒有預約， 店員為我們reconfirm客人booking， 大概等了十分鐘便可入去了。 接着用QR code手機落單, 上菜速度快, 除了羊架, 通常落單三分鐘至五分鐘內便到。 講下啲食物先， 先嚟嘅刺身， 三文魚紋理，脂肪及厚度算上品，90分。中拖絕無欺場，但逆紋切時，可能太大力按，有點散開但不影響味道， 還要了赤貝， 帶子， 象拔蚌，泰式生蝦等全都是水準之作。 牛脷一份五塊， 不是串燒的， 所以肉汁多，味道非常好，推介! 燒左口魚壽司, 可能切得薄易散，有鮮味。 店舖自家製黑松露醬， 不同壽司和刺身都有機會點上的，都值得吃上一口，引爆味蕾。 羊架叫了兩轉，比較乾及醃料味太重手，偏鹹。 甜品選擇較少沒有雪糕雪條， 飲品正常，有Asahi啤酒。 座位比較狹窄， 整體裝修普通， 但以$198，日式放題兩小時, 已很超值。