賢河日本料理

Open Now

Now Closed

賢河日式料理粉嶺區日式放題係完全冇其他餐廳做架，賢河係呢區唯一既一間。呢間餐廳喺花都廣場地舖，空間唔算非常大，但坐位算係舒服，亦算得上清潔衛生。食放題會用QR code落單點菜，上菜速度亦算快。雖然上菜擺盤比較簡單，但重點係食物質素如何。食物方面，刺身魚生甜蝦新鮮好味，份量足，質素好。而壽司方面亦有好多唔同選擇，加上每件都細細件，唔怕食得太多飯太飽試唔到其他款式既餸菜。熟食方面，有一品料理，天婦羅同其他炸物，大部份都非常有質素，款式繁多，有好多不同選擇，最出色上菜既時候仲熱辣辣，仲有時小心會燙到嘴，炸物真係脆到索索聲，真心好味。特別推介一口牛，認真係外脆內軟，非常惹味。唯一一個缺點就係甜品，真係麻麻地，希望未來可以改善一下咁就完美。二百幾蚊一位日式放題呢個價錢真係性價比高到不得了，加上食物質素唔差，值得推薦。