龍豐粉麵茶餐廳 (Closed)

前幾日重陽放假，拜完山之後去左龍豐粉麵茶餐廳食野，外觀好新淨(可能新開)，地方好乾淨舒服，位置算闊落，唔似其他茶餐廳咁，逼到背貼背。服務員態度都好親切，會主動同你介紹下有咩野好食。講番食物，我叫左個牛腩粉、菜心同涷奶茶。水吧沖奶茶沖得唔錯，茶膽應該都幾靚，而牛腩炆得好冧，又唔算肥，個粉又唔會浸得耐，變左一PAT野咁。最後，我都係食左30零蚊，好抵食，聯和墟附近有水準又抵既野唔多，呢間算唔錯，值得支持。