米子燒肉家 (Closed)

聽朋友講粉嶺開左間燒肉店 就襯假日午市去試下先～由於疫情關係所以午市都唔算多人，唔洗等位就入得餐廳空間好大！完全唔會逼，而且抽風系統做得唔錯，唔會有好大陣燒肉味有唔同既套餐可供選擇～非常豐富而且價錢都好優惠米子人氣牛控套餐米子人氣牛控套餐包括左美國牛小排同澳洲和牛臀肉蓋，仲有白飯，和風湯及迷你沙律／泡菜。肉類厚度適中，燒一陣已經食得，肉質夠嫩滑完全唔韌！適當既油脂帶動牛味充斥整個口腔，好食！澳洲燒肉盛合套餐另外我地就叫左澳洲燒肉盛合套餐，分別有穀飼M3牛柳條，草飼M2牛頸脊同草飼封門柳依３個部位都係平時好鍾意食既部位！估唔到一個套餐就包晒　ＣＰ值超高！當中我最鍾意食既就係草飼封門柳～肉質非常嫩滑而且充滿油香味店家亦提供左柚子醬汁，燒肉汁同蒜泥，令到燒肉既味道更加昇華！總結而言係北區係難得一見有水準既燒肉店～住係北區既朋友可以襯疫情放緩快Ｄ出動試下喇ＸＤＤ