Video
Read full review
2017-07-27
253 views
要喺油尖旺，港島中西區搵一間有情調,食物又有質素既西餐同愛人把酒談心一啲都唔難，但要喺粉嶺，上水搵，真係談何容易。當然，有我儀儀仔呢個地膽就冇有怕。男仕們要留意喇，如果有啲咩女仕既大時大節如情人節，生日，結婚週年紀念，拍拖週年紀念等等.......下刪二千字，就可以黎聯和墟試一試呢一間情調西餐。餐廳位置雖然較為隔涉，但平日夜晚黎人流唔多， 幽暗既燈光份外有情調，餐廳亦播放左柔和既音樂，同情人約會真係一流架。同一般意大利餐廳一樣，侍應會先送上各式各樣嘅麵包。麵包亦配咗三種醬料，分別為沙律醬，黑措同橄欖油。唔同嘅麵包有唔同嘅口感，麵包棒就比較乾身比較硬，其他就好軟熟同好香，我哋未食主菜前已經食飽咗啦。食完麵包之後就上餐湯，餐湯為煙肉忌廉粟米湯，又幾好味喎。唔太鹹，而且有好香煙肉味，食落仲有粒粒嘅粟米，口感豐富，而味道有啲似金寶嘅粟米湯。小食叫左蟹肉餅。蟹肉餅啖啖都係蟹肉，佢煎得好香好有蟹肉味呀，加上左木魚味道雖然偏鹹咗，但夾埋啲沙律菜食啱啱好中和番。我哋叫咗兩款主菜，第一款就係香烤鴨肉扁意粉。呢個扁意粉，鴨肉非常香呀，好有鴨既味道，而且鴨肉非常之嫩滑，一啲都唔鞋唔韌， 值得一讚嘅係扁意粉鋪
當然，有我儀儀仔呢個地膽就冇有怕。男仕們要留意喇，如果有啲咩女仕既大時大節如情人節，生日，結婚週年紀念，拍拖週年紀念等等.......下刪二千字，就可以黎聯和墟試一試呢一間情調西餐。
餐廳位置雖然較為隔涉，但平日夜晚黎人流唔多， 幽暗既燈光份外有情調，餐廳亦播放左柔和既音樂，同情人約會真係一流架。
同一般意大利餐廳一樣，侍應會先送上各式各樣嘅麵包。麵包亦配咗三種醬料，分別為沙律醬，黑措同橄欖油。唔同嘅麵包有唔同嘅口感，麵包棒就比較乾身比較硬，其他就好軟熟同好香，我哋未食主菜前已經食飽咗啦。
食完麵包之後就上餐湯，餐湯為煙肉忌廉粟米湯，又幾好味喎。唔太鹹，而且有好香煙肉味，食落仲有粒粒嘅粟米，口感豐富，而味道有啲似金寶嘅粟米湯。
小食叫左蟹肉餅。蟹肉餅啖啖都係蟹肉，佢煎得好香好有蟹肉味呀，加上左木魚味道雖然偏鹹咗，但夾埋啲沙律菜食啱啱好中和番。
我哋叫咗兩款主菜，第一款就係香烤鴨肉扁意粉。呢個扁意粉，鴨肉非常香呀，好有鴨既味道，而且鴨肉非常之嫩滑，一啲都唔鞋唔韌， 值得一讚嘅係扁意粉鋪滿咗一片片薄薄嘅車打芝士，芝士本身係好濃味，但係如果配合咗個意粉一齊食，就啱啱好喇。而果汁有少少酒香，幾特別呀。
另外一款主菜係八爪魚蜆肉意大利飯。我哋以為呢個意大利飯個味應該冇個扁意粉咁濃味喇，點知一食落口，就有陣陣橄欖香。而意大利飯一般都係一粒粒好硬，但係今次呢個完全唔同，佢啲飯硬度剛好，我就非常之鍾意勒。跟住要讚嘅係佢啲蜆肉，係非常非常之新鮮，我除咗係一啲賣清蒸海鮮餐廳食到咁鮮味嘅蜆之外，今次都係第一次喺西餐廳食到咁新鮮嘅蜆，而且蜆肉亦非常之肥美，啖啖肉好鮮甜好正。而八爪魚就不過不失啦， 煙煙韌韌亦有咬口。飯入面仲加咗一啲頗酸既蕃茄，夾埋個飯一齊食可以刺激到味蕾， 睇得出師傅係有用心調配過。
最後當然唔少得食甜品啦， 首先係跟 set 配嘅檸檬撻，上面有啲野莓。個檸檬撻個皮非常鬆軟，而檸檬夾心有少少酸味好清新既甜品。
另外我哋就加咗40蚊將set 入面嘅甜品轉咗做朱古力心太軟。嘩!呢個心太軟真係做得非常出色。切開咗之後，濃濃嘅朱古力流心浸咗出嚟，但係又唔係成pat嘢咁樣。朱古力味係苦苦地，岩晒我。而薄荷雪糕好薄荷味好香濃，加埋啲朱古力脆脆同心太軟配搭食好好好正呀！
成餐飯我哋食到咁既質素，都只係五百幾蚊。如果要出尖沙咀中環呢啲地方食，我諗要成八百蚊。所以話呢，平民區未必冇好嘢食嘅。我希望呢間餐廳多啲人認識呀！另外一樣嘢非常非常的重要! 就係呢度嘅大廚真係好鬼似蕭正楠,仲好後生靚仔㖭有興趣嘅女士不妨嚟睇睇。
Post
