반찬앤쿡 Banchan and Cook (屯門市廣場1期)

Open Now

Now Closed

Banchan and Cook來過幾次，今次推出左新2人餐牌，小食 + 兩份主食 + 甜品 + 兩份飲品 $560好抵食。
裝潢文青少女風，粉色系花花，好靚適合打卡😎 醬油白切肉蛋包飯
來到呢度必食蛋包飯，擺盤好靚，界開蛋漿流出包住下面d飯。
五花肉肥瘦相間，煮得入味，醬油香濃。 橡果黑毛豬卡邦尼意粉
意粉上面放左一粒蛋黃，攪拌撈埋意粉食，醬汁濃郁，有淡淡蛋香味，意粉口感彈牙，黑毛豬肉質好嫩滑帶點鹹香，但就食唔出橡果香氣。 烤牛肉配雜菜包
牛肉煲有火暖住，Keep住溫度，慢慢食都唔驚凍左。
牛肉煮得入味，醬汁好香濃，生菜包住牛肉、紫蘇葉、蒜片、豆瓣醬一齊食，好清新，口感豐富。 伯爵茶布丁牛角包窩夫
我最喜歡的甜品環節。布丁好順，口感綿密，滲住一陣濃郁嘅茶香味，牛角包窩夫烤得好香脆，外酥內軟，帶牛油香味。 溶化朱古力
朱古力味道香濃，唔會太甜，唔錯。 焦糖蘋果紅豆沙冰沙冰上面加咗一層cream同焦糖脆脆，超級邪惡，紅豆好甜，食到粒粒紅豆果蓉。