Camellia (Closed)

餐廳環境好粉紅好靚好搶鏡，裝飾一片花海，尤其啱晒少女，約埋三五知己聚會又得，男女談心亦得。食物種類唔算多，但絕對高質，賣相味道均出眾。1.海鮮濃湯濃湯充滿海鮮精華，唔係水汪汪。湯偏鹹，然而海鮮味濃郁。有兩隻青口及兩隻蝦，唔算好大隻，味道算鮮美。由於冇配飯，飲晒成碗會覺得比較鹹。2.香烤比目魚比目魚配照燒汁，目道烹調非常好。比目魚肉質厚，肉質一層一層且非常嫩滑，一流。魚皮亦竟然烤得點脆。照燒汁微甜，絕不會喧賓奪主，能令清淡的魚肉豐富味道，恰到好處。面頭香茜亦清新有效令口腔refresh。杏包菇肉質很厚，菇味濃郁好食，惟其中一塊太硬，另一塊質感則非常好。3.明太子釀雞翼雞翼一上枱味道已經非常香！雞翼外層有甜味，內裡釀了滿滿的明太子，辣得來非常香好惹味，甜與辣交融無與倫比。4.熱帶果園甜品選擇唔多，但個個都好精美。黃色係芒果熱情果慕絲，酸酸甜甜非常清香開胃。上面有芒果粒同埋餐牌講嘅法式芒果糖，都感覺係同芒果差唔多。白色嘅係有椰絲同椰子餡，表層有金箔，入面有菠蘿果肉粒，甜而不膩！餐牌：整體食物質素絕對比出面好多餐廳都明顯高班，餐廳環境亦清靜優美。然而，食物真係份量少，加上價錢本身已偏貴。