Girlboss by Master Kama (Closed)

朋友入左醫院黎屯門探下朋友，探完朋友就去屯門市廣場搵食，見到粉紅色裝修好可愛，就入黎食，叫左套餐再加個兒童餐，套餐係唔同類別揀，好多選擇。我揀左青蘋果蟹肉沙律，是日餐湯(南瓜湯)，shake shake單骨雞蛋翼，燒一口安格斯牛粒，炸軟殼蟹冬蔭功意粉，Girlboss龍蝦包， 兒童餐都好豐富有芝士鮮茄意粉，芝士焗粟米，乳酪鮮果，青蘋果soda。青蘋果蟹肉沙律清新既選擇shakeshake單骨雞翼要左紫菜粉，香脆又惹味燒一口安格斯牛粒比較淡味要點下碟邊既黑炭鹽， 雖然全熟但肉質都唔柴，大帝都食到。炸軟殼蟹冬蔭功意粉係乾身既意粉，類似炒意粉，意粉唔會煮到淋晒仲好有咬口，好香冬蔭功香料味加左少少芝士好香我好鐘意食，軟殼蟹炸得香脆唔油膩，估唔到咁好味。Girlboss龍蝦包，包外脆龍蝦肉結實帶鮮甜味加埋醬汁同火箭菜，整體好夾雖然要加錢但都好值得兒童餐既芝士鮮茄意粉都好食，我同先生每人食左啖試下味，其他大帝清晒，仲有芝士焗粟米同乳酪鮮果營養十足既兒童餐，大帝亦好鐘意食。我覺得套餐幾抵食，又多選擇整間鋪都係粉紅色系，連bb櫈，兒童餐具都係粉紅色，粉紅少女心爆發。