Video
Read full review
2020-09-20
505 views
好耐之前好姐妹就已經話想試一間叫「鳥語」既💛cafe，而呢間cafe 早幾個月係K11開左間姐妹分店叫做「花香」；前者主打日系風西式輕食，而後者小食同飲品類就偏向台式路線，感覺多元化d就揀咗呢間黎幫襯🍴-Cafe走粉紅少女風，用餐空間其實就唔係好大，係門口一眼就見盡成間cafe👀 近門口位有個影相打卡區，唔少客人會走入去影相📸 幫襯當日隔離幾檯客人都有自攜生日蛋糕🎂黎慶祝，食過呢餐之後既感想係如果黎呢度影相打卡還可以，但論食物質素既話就只屬一般，同等價位可以有其他更好選擇🤔****************************** ✨慢煮和牛伴牛肝菌蔥飯🍛($138)呢度所有飯類🍚都加入左其他食肆比較罕見既薏米同小米，相比單一白飯，呢度既供應比較有營和牛粒🐮食落有少少牛味，不過口感同平時食開既牛肉粒分別不大，食唔出係慢煮而成🤨餸汁就夾雜蘆筍、本菇🍄、紅椒粒、蔥花同幾片牛肝菌碎，原以為汁底會係牛肝菌味，但牛肝菌既味道好弱，整體味道偏中式，感覺似食碟頭飯😓 試過之後我地一致認為同想像中有好大分別而對佢失望🙁-✨紅粉明太子三文魚子忌廉意粉🍝($98)本來想點menu上推介既花香特色大蝦卡邦
好耐之前好姐妹就已經話想試一間叫「鳥語」既💛cafe，而呢間cafe 早幾個月係K11開左間姐妹分店叫做「花香」；前者主打日系風西式輕食，而後者小食同飲品類就偏向台式路線，感覺多元化d就揀咗呢間黎幫襯🍴-
Cafe走粉紅少女風，用餐空間其實就唔係好大，係門口一眼就見盡成間cafe👀 近門口位有個影相打卡區，唔少客人會走入去影相📸 
幫襯當日隔離幾檯客人都有自攜生日蛋糕🎂黎慶祝，食過呢餐之後既感想係如果黎呢度影相打卡還可以，但論食物質素既話就只屬一般，同等價位可以有其他更好選擇🤔
******************************
✨慢煮和牛伴牛肝菌蔥飯🍛($138)
呢度所有飯類🍚都加入左其他食肆比較罕見既薏米同小米，相比單一白飯，呢度既供應比較有營
和牛粒🐮食落有少少牛味，不過口感同平時食開既牛肉粒分別不大，食唔出係慢煮而成🤨
餸汁就夾雜蘆筍、本菇🍄、紅椒粒、蔥花同幾片牛肝菌碎，原以為汁底會係牛肝菌味，但牛肝菌既味道好弱，整體味道偏中式，感覺似食碟頭飯😓 試過之後我地一致認為同想像中有好大分別而對佢失望🙁
-
✨紅粉明太子三文魚子忌廉意粉🍝($98)
本來想點menu上推介既花香特色大蝦卡邦尼意粉，但見到隔離檯實物得半碟而且要138蚊，最後轉軚揀左呢客較為經濟既意粉🤷🏻♀️
意粉既忌廉汁唔算好杰所以食落較為輕盈唔會好膩，惟獨明太子既份量比起其他地方食到既算係偏少；至於三文魚子同蘑菇片🍄就不太特別，整體中規中矩
-
✨蛋蛋拉絲蛋餅🧀🥚($68)
煎至金黃色既蛋餅皮頗厚身，口感外脆而紮實，食落幾有蛋味🥚，最估唔到既係佢有幾分似平時係台式小店食到既味道🙈
夾心既芝士🧀份量不少，灸燒🔥過後特別惹味而且煙煙韌韌，呢份蛋餅係3款食物當中最令人滿意既😋
-
✨黑糖酒釀拿鐵配懸浮綿花糖☕️ ($55)
飲慣台式飲品🥤都總會對黑糖有情意結😛 除左配酒釀之外，呢度仲有配熱薑汁鮮奶同兩款珍珠凍飲可以揀；不過黑糖酒釀latte呢個配搭實在太特別就揀左呢杯黎試
Latte上面既懸浮綿花糖係cafe自家製，有幾款卡通造型不過隨機供應，其他飲品亦可加10蚊加配🙆🏻♀️ 幫襯當日好好彩得到想要既獨角馬🦄，飲品上桌時見到隻獨角馬訓左係幼滑既奶泡上面忍唔住影左好多相📸，實在太得意啦😍
黑糖同酒釀本身已經混合埋一齊而唔係分開加入latte內，奶泡上同杯底都有唔少酒釀既蹤影；黑糖甜度適中不過就無乜黑糖香；而咖啡味道偏淡不過可以理解，始終呢度唔係專賣咖啡既cafe🙈
個人認為酒釀同咖啡呢個組合唔太夾，加左酒釀既咖啡飲落帶酸，味道唔太討好😥
-
✨玫瑰拿鐵配懸浮綿花糖🌹☕️ ($52)
呢杯玫瑰拿鐵同樣配有綿花糖，狗仔🐶造型夠晒盞鬼🤣
好姐妹唔飲開咖啡都認為呢度既咖啡味道偏淡，玫瑰味同樣唔太重，反而 #habitu 個杯更為出色
******************************👧🏻人均消費：$210 (另+10%服務費)
😋味道指數：3/5
💰抵食指數：3/5
🪑環境指數：3.5/5
💁🏻♀️服務指數：3.5/5
👍🏻再訪指數：3/5
-
📍花香
地址：尖沙咀河內道18號K11購物藝術館B2樓201號舖
⏰營業時間：12:00–22:00 (Mon–Sun)
Post
