Cafe Library by Espuma (Closed)

呢間cafe好岩打卡，成間cafe都係粉紅色，瞬間少女心爆發😍😍當日同朋友order左2個lunch set (包野飲、餐湯同細細件cake)同埋伯爵茶焦糖布甸窩夫配雪糕棉花糖Lunch set 就order 左去骨海南雞西班牙式燉飯同香煎虎蝦黑松露忌廉扁意粉。海南雞好嫩滑而且份量都多，而燉飯酸酸地幾開胃。燉飯伴碟有酸蘿蔔，好爽口。意粉醬汁好濃郁，每條意粉都沾上醬汁，而且黑松露醬都好出，好好食😋餐湯係蘑菇湯，蘑菇味好出好香，仲食到菇粒添！個伯爵茶焦糖布甸窩夫配雪糕棉花糖一上黎嚇，上面大大舊棉花糖！要拎開個棉花糖先可以食到入面窩夫🤣🤣窩夫份量有d少，但味道唔錯～我最鍾意係布甸好香好滑😋