Video
Read full review
2022-02-03
134 views
前排見ig 洗晒版，非常ig-able 嘅cher cher，樓底高，拱型大窗嘅宮廷風設計已經俘虜唔少少女嘅心，周圍仲有一啲乾花擺設，grand得嚟又夠曬典雅，少女味十足。唔鍾意坐室內嘅，仲有一個戶外小花園，啱晒靚女們嘆返個花茶唞唞氣😌景就夠靚啦，但拱型窗梳化位得兩個，要坐最好book定位～試埋野食再講～𝙁𝙤𝙤𝙙🥑牛油果多士 $78同平時食開嗰啲唔同，唔係切開一片片牛油果，而係將牛油果蓉直接查喺多士上面，加多隻水煮蛋～正正常常冇咩驚喜～🫐雜莓蕃薯班戟 $78本身以為番薯同雜莓都係主角，一齊喺班戟上面，點知淨係見到雜莓，Jenny懷疑班戟係直頭用蕃薯整成，但又食唔出有蕃薯味，有啲吊詭～而且班戟比較薄同埋實淨，略略食到少少肉桂甜味，老實講真係唔算好食⋯新開業期間滿$200送多一份迷你甜品，Jenny 揀咗餐牌上嘅：🍌焦糖香蕉蕃薯班戟送嘅就比起原本會少一片班戟～咁班戟唔太好食就講左喇，原本諗住焦糖香蕉係一片長形香蕉，有焦糖脆脆係面，點知只係四小片香蕉，焦糖亦唔脆，caramelised 的過程未做得好充份，焦糖亦唔夠厚身𝘿𝙧𝙞𝙣𝙠𝙨🌸Blackberry elderflower icecre
景就夠靚啦，但拱型窗梳化位得兩個，要坐最好book定位～試埋野食再講～
𝙁𝙤𝙤𝙙
🥑牛油果多士 $78
同平時食開嗰啲唔同，唔係切開一片片牛油果，而係將牛油果蓉直接查喺多士上面，加多隻水煮蛋～正正常常冇咩驚喜～
🫐雜莓蕃薯班戟 $78
本身以為番薯同雜莓都係主角，一齊喺班戟上面，點知淨係見到雜莓，Jenny懷疑班戟係直頭用蕃薯整成，但又食唔出有蕃薯味，有啲吊詭～而且班戟比較薄同埋實淨，略略食到少少肉桂甜味，老實講真係唔算好食⋯
新開業期間滿$200送多一份迷你甜品，Jenny 揀咗餐牌上嘅：
🍌焦糖香蕉蕃薯班戟
送嘅就比起原本會少一片班戟～咁班戟唔太好食就講左喇，原本諗住焦糖香蕉係一片長形香蕉，有焦糖脆脆係面，點知只係四小片香蕉，焦糖亦唔脆，caramelised 的過程未做得好充份，焦糖亦唔夠厚身
𝘿𝙧𝙞𝙣𝙠𝙨
🌸Blackberry elderflower icecream soda $48
望落唔知點解有種紅豆冰嘅感覺，雲呢拿雪糕配接骨木梳打，杯底有黑莓果漿，食到粒粒黑莓，足料都fresh
🍋Lavender lemonade $46
淡淡薰衣草味嘅檸檬汁，幾特別～但係個賣相係就咁插咗一支薰衣草喺杯面，Jenny影相嗰陣覺得未係最靚🤣
Overall影相係幾唔錯嘅，光線都好夠，但位置唔就腳，搵咗一陣先搵到，而且食物質素唔算高～大家都唔使好大期望🤣影返輯靚相都抵嘅～
𝙋𝙝𝙤𝙩𝙤 𝙨𝙥𝙤𝙩
窗邊粉紅色梳化
Post
