美滋鍋 (家樂坊)

Open Now

Now Closed

好彩係肺炎又爆之前去食左次火鍋，唔係唔知又要等到幾時。今次幫襯既美滋鍋已經係我心目中既鍋排行榜頭幾位，食物新鮮好味，選擇又多，最緊要係坐得舒服，同埋職員都好nice。因為覺得價錢差唔多，所以幾次黎都係揀四合一湯底，款款都有特色又足料，建議大家係開始落配料之前飲少少試下個味，夠哂滋潤！美滋鍋其中一個特點就係醬料選擇超多，一定溝到自己中意既口味。除左醬料之前仲有啲任食既餐前小食同生果，想健康食火鍋都得～飲品有幾個價錢，我通常都揀無限refill，唔洗落order，店員通常都會自動黎幫你refill。配料就唔洗點講啦，應有盡有，可以揀一份或者半份，價錢都均真，唔會話叫半份就貴左。花膠、鴨血、牛肝菌都係我幾推薦既配料，都好大份新鮮。