Belly Soul (Closed)

放工去左荔枝角搵朋友食飯，原來長沙灣三樓開左好多餐廳🤩🤩🤩 加埋好似food court 咁，下次可以試下其他餐廳😋今次我朋友唔太中意晚餐食太多，所以我地揀左呢間主打健康keto嘅自助cafe。香煎比目魚伴黑松露椰菜花飯，巴黎牛油汁$128～比目魚煎得皮脆肉滑，椰菜花飯mix 左菇菌，口感比就咁椰菜花隻好好多，加埋濃濃黑松露醬的味道，整體都不錯，下次都可以繼續食佢😋Build Your Own Bowl $100～減肥首選！！自選營養碗，$58包左紅菜頭，車厘茄，蜜餞南瓜，粟米，香草雜菌，羽衣甘藍，再加錢加主菜，加左日式溏心蛋 $12 同煙三文魚+$30，醬佢係另上，落多落少多少都得，我揀左芝麻醬，如果有選擇困難佢有啲健康營養碗，計好晒卡路里。士多啤梨麻薯芝士蛋糕 $68～呢間士多啤梨麻薯芝士蛋糕味道又唔錯喎，之前食完我經理同i 字頭C 字尾果間生酮蛋糕覺得好難食好油，一直blacklist 左呢樣得個靚字唔好味嘅蛋糕😂😂😂白色唔係忌廉係無糖乳酪，蛋糕係芝士蛋糕，唔油膩，餅底上面有一塊麻糬，有多重口感同味道，價錢係少少貴，但計埋味道都值嘅。