Cafe Library by Espuma (Closed)

位於沙田新城市廣場嘅一間餐廳，因為佢嘅全間鋪粉紅色裝修而比佢吸引到，平日嘅晏晝專登去Walk in試吓，好彩唔使等位直入。全間鋪都係粉紅色，梳化牆壁都係粉紅色，成間鋪都好可愛好有少女心，驟眼望落去基本上所有客人都係女人。對於打卡Cafe來講，我對佢嘅食物質素其實都冇乜期望，叫咗個馬介休炸暑波，雖然70幾蚊得六粒有啲貴，但係配埋佢嗰個醬又真係幾好食。海南雞燉飯，以為佢隻雞會好鞋，結果原來都唔錯。豬扒薯條，豬扒都好料好大塊。整體來講其實都幾好，下次會再想嚟試下其他嘢食。