White Hse. (Closed)

▲銅鑼灣新開嘅粉紅Cafe，又係女生打卡嘅好去處！白與粉紅，基本上係女仔嘅專屬顏色！🌸 每次見到呢對顏色組合，身為女生，都會萌生打卡衝動！😍 最近銅鑼灣開咗間樓上舖「白房子 White Hse」~喺雪白嘅裝修中，掛滿花卉布置，其中仲有一面粉紅嘅打卡花牆，齋睇相都心心眼呀！😍趁呢個Weekend，剛好朋友又放假，就立即約嚟打卡！ 店內好多花卉裝置，帶有原野氣息。窗口對工銅鑼灣鬧區，感覺好Chill～窗戶觀景，幾寫意～吊燈與花串，每個細節都好靚~椅子好可愛！好有公主Feel~嚟到白房子，店舖雖然比想像中細，但每個細節都非常精緻，除咗裝修，令我意外係食物質素都唔錯！（通常打卡令嘅地方，食物都一般般🙊💦）好似佢哋用嚟擺盤嘅鮮花，都係外國空運而來嘅時令食用花，好似三色堇、玫瑰或蘭花等等，不含農藥，諗都知成本幾高下！ 另外，主廚因為愛周圍飛，品嘗唔同國家嘅美食，所以料理都集百家之長，由意式燉飯、四川麻辣風主食，到和風料理都有，基本上選擇幾多，唔難搵到啱食嘅嘢。無論係食材、擺盤或環境，白房子比我感覺都好好！呢款意大利飯，底層係由紫椰菜及忌廉煮成嘅意大利飯，上面清酒煮藍青口及烤香草蒜茸大蝦，加埋食用花