Video
Read full review
2014-11-27
5619 views
約埋好友一齊相聚，搵間好坐嘅餐廳傾偈，上openrice搵到呢間，地方睇落幾好坐，係酒吧為主嘅餐廳！大家可以飲下酒！去到門口幾型格，入到去反而以東南亞木刻裝飾，燈光昏暗，靠窗仲有卡位自成一隅，我們被安排坐店中央四人方枱，木枱幾闊落，唔迫，店員先點蠟燭，放低花生連碗（裝殻用）仲好詳細介紹有嘅套餐同優惠，wine list係用電子餐牌 其他食品就用座枱餐牌，以送酒食物為主，不過燈光太暗，餐牌又係黑底，都睇得幾辛苦，我哋揀了店員介紹嘅款白酒（以易入口，果味重，配搭海鮮），一支酒送一款小食，再加個海鮮拼盤！都係送酒為主！ 食物都要等一陣，首先上嘅係支白酒，Grant Burge Moncato Rosa 2013, 連冰桶一齊上，樽身會包條餐巾方便攞起倒酒！酒杯都冰凍咗 ，倒出來一刻好驚喜嘅粉紅色 ，襯晒我哋班紅粉佳人 店員先比我們試飲一啖，好香果味，偏甜易入口，唔似白酒反而比較似甜酒，淨飲都ok!店員會講埋呢支酒來源地、特色等（唔只賣酒，好多資訊 ）之後食物陸續上場！先來個海鮮拼盤（拼盤好多選擇）一大個冰藍色大碗裝滿冰，碗底仲有燈光襯托，賣相好靚 然後上面放滿不同種類海鮮！（半
食物都要等一陣，首先上嘅係支白酒，Grant Burge Moncato Rosa 2013, 連冰桶一齊上，樽身會包條餐巾方便攞起倒酒！酒杯都冰凍咗 ，倒出來一刻好驚喜嘅粉紅色 ，襯晒我哋班紅粉佳人 店員先比我們試飲一啖，好香果味，偏甜易入口，唔似白酒反而比較似甜酒，淨飲都ok!店員會講埋呢支酒來源地、特色等（唔只賣酒，好多資訊 ）
之後食物陸續上場！先來個海鮮拼盤（拼盤好多選擇）一大個冰藍色大碗裝滿冰，碗底仲有燈光襯托，賣相好靚 然後上面放滿不同種類海鮮！（半隻龍蝦、半隻麵包蟹、3隻甜蝦、3隻翡翠螺、6隻藍青口、1隻車厘蜆）有兩款汁（茄汁、黑醋汁）我們一路飲一路食，麵包蟹好多膏，龍蝦肉清甜，青口淋身唔韌，甜蝦爽甜，翡翠螺大隻厚肉，用小叉好易叉出螺肉，我自己唔鍾意落醬汁，想食到海鮮原味，呢個拼盤樣樣有啲！總有一款啱心水！
日式厚切牛柳粒，擺盤好靚，日式即係豉油汁同木魚片，豉油汁偏咸，如果點燒汁會好啲，所以我唔點汁，牛柳應該淋身，但呢個又較韌，牛味重，一啖一粒，送酒唔錯！
店員好勤快，好爽手，上菜收碟都有禮！我們飲完支酒繼續傾偈，佢會比杯水我們繼續傾，店員會不時問下我們需要！幫手影下相！晚飯時間都爆場！好多都係摸下酒杯底傾偈飲酒！氣氛繼好！隔離枱嘅cocktail好靚，下次可以試下!
Post
