川婆婆 (Closed)

💗粉紅色裝潢少女心爆發💗旺角家樂坊新川婆婆同嗜辣細妹搵間餐廳談心事，費事響屋企俾媽咪聽到。去左旺角新開既家樂坊川婆婆嘆四川菜。點了以下:招牌鴛鴦鍋小辣 超正，皇菇湯底同四川正宗麻辣湯底。四川正宗麻辣湯底夠麻夠辛辣，味覺享受。皇菇湯底有超多唔同菇菌類，啲菌香噴噴。加埋大隻花甲，提升湯底鮮味。美國安格斯雪花牛肥牛半肥瘦，肥瘦均勻，牛肉味好濃郁好重，唔會無牛味勁淡口。用麻辣果邊淥更惹味。烏魚片 好新鮮，肉質雪白，肉質結實，甜鮮味美。桂花牛肉釀竹笙組合好特別。牛肉滲出淡淡桂花香。用竹笙包住，d肉質無咁易老晒。更嫩更好食。 鴨血比豬紅既口感更結實更好食。件件都大大塊，件件都夠厚身。無血既腥味異味，口感爽實軟滑。 豆腐皮夠薄，食落好香黃豆香。 娃娃菜 頗多同幾新鮮。招牌紅薯粉 好正，夠大條，夠長，夠厚身。淥腍左好晶瑩剔透，口感柔韌。飲品點左可樂兩杯。美滿既1餐。