Video
Read full review
2019-06-11
386 views
去完PMQ想搵個地方坐下出到嚟擰轉頭一望，見到一間超靚PINK PINK小店，即刻俾佢吸引左🤩 全間店都係女仔最愛既粉紅色💕 由外牆、座位、裝飾、餐牌到落單處，全部都係粉粉的，少女心即刻返番嚟🙆🏻♀️💗💗-☆ 十年陳皮奶蓋紅豆沙 HKD$100奶蓋mix紅豆沙真係好特別，奶蓋夠咸香厚厚一層，紅豆沙煲得好蓉起沙，豆香味重，我好鐘意👍主角「十年陳皮」，十年嘅出面閒閒地都賣成千蚊斤，十年陳皮簡直令成個甜品錦上添花，陳皮啖啖醇香撲鼻，味道甘甘甜甜，誠意之作👍👍 人生有幾多個十年，更何況陳皮🤣-☆ 沖繩海鹽雪糕QQ窩夫撻 HKD$58賣相吸晴，絕對可以攞嚟呃like🤩 撻皮香脆，就算放左一陣都仲係好脆👍 海鹽雪糕上面唧左檸檬醬，個檸檬醬超好味，酸酸甜甜夠哂醒胃，又Q又好味💕-☆ 車厘子櫻花梳乎里班戟 HKD$58由於梳乎里即叫即製，所以都等左好一陣子，但等耐係值得嘅。梳乎里口感軟綿綿，同牛油香一齊入口即溶，好正🤤 上面有厚厚既藍莓果醬，同梳乎里一齊食估唔到咁夾👍🤗-總括而言，環境滿分而食物都有水準，女士們更加一定要嚟影返啲靚相呃like啦☺ 絕對係會再妨既店，下次要試埋青檸薄荷蘆薈梳打同埋
出到嚟擰轉頭一望，見到一間超靚PINK PINK小店，即刻俾佢吸引左🤩 全間店都係女仔最愛既粉紅色💕 由外牆、座位、裝飾、餐牌到落單處，全部都係粉粉的，少女心即刻返番嚟🙆🏻♀️💗💗
-
☆ 十年陳皮奶蓋紅豆沙 HKD$100
奶蓋mix紅豆沙真係好特別，奶蓋夠咸香厚厚一層，紅豆沙煲得好蓉起沙，豆香味重，我好鐘意👍主角「十年陳皮」，十年嘅出面閒閒地都賣成千蚊斤，十年陳皮簡直令成個甜品錦上添花，陳皮啖啖醇香撲鼻，味道甘甘甜甜，誠意之作👍👍 人生有幾多個十年，更何況陳皮🤣
-
☆ 沖繩海鹽雪糕QQ窩夫撻 HKD$58
賣相吸晴，絕對可以攞嚟呃like🤩 撻皮香脆，就算放左一陣都仲係好脆👍 海鹽雪糕上面唧左檸檬醬，個檸檬醬超好味，酸酸甜甜夠哂醒胃，又Q又好味💕
-
☆ 車厘子櫻花梳乎里班戟 HKD$58
由於梳乎里即叫即製，所以都等左好一陣子，但等耐係值得嘅。梳乎里口感軟綿綿，同牛油香一齊入口即溶，好正🤤 上面有厚厚既藍莓果醬，同梳乎里一齊食估唔到咁夾👍🤗
-
總括而言，環境滿分而食物都有水準，女士們更加一定要嚟影返啲靚相呃like啦☺ 絕對係會再妨既店，下次要試埋青檸薄荷蘆薈梳打同埋粉紅櫻花拿鐵先~
Post
