Sweet Craft

Open Now

Now Closed

我自己不嬲唔係好鍾意食甜品，都唔鍾意食冰，今次都係陪朋友嚟食，點知意外地好好味。舖頭唔大，側邊幾張枱仔可以坐低食，本身諗住買走一路行一路食，但最後有位就決定坐下坐低食。得一個店員，落單又係佢，整野食又係佢，所以要等一等，就算冇人排隊，都要等佢整完先可以過嚟落單。我哋叫咗個果蜜白桃粉雪冰 $54等咗十分鐘左右，因為我哋前面仲有幾杯未整，都好彩店員唔係整好晒先嚟同我哋收錢落單，如果唔係真係有排企係度等。上面個奶蓋好滑，少少咸，唔甜，平時好少食奶蓋嘅我都覺得好食。下面有桃汁、冰、桃肉，唔會太甜，有桃嘅清甜，好清香。