嘉麗園潮州粉麵餐廳

Open Now

Now Closed

第二站粉麵去左裝潢華麗的嘉麗園，佢店面金碧輝煌，價錢亦是元朗同類形的潮州粉麵鋪最進取（貴），記憶中佢亦是最，但最近去已經是多年前，今日再去回味一下。價錢果然比以前更進取！花多眼亂，但剛剛先食完勝利牛丸，所以只叫崩沙腩粗（$62）、淨牛雜（中）（$120）、炸魚皮（大）$28。崩沙腩粗麵（$62）崩沙腩炆得好腍，肉質好鬆軟而無筋，加上炸蒜、蔥花及莞茜應該好香，但湯底已經大不如前，雖然鋪內掛上不少香料做擺設，但湯底好似已經沒有香料的味道，只有咸味。如果不喝湯底，此店的崩沙腩是好吃的。淨牛雜（中）$120此碗牛雜材料豐富，有牛膀、牛肚、牛大腸、竹腸、牛肺、粉腸、金錢肚，墊底加上芽菜，另外鋪上炸蒜、香菜及蔥花，牛雜炆得腍而清洗也很乾淨沒有臊味，但又係湯底失色，佢比粉麵的湯底更濃而且更咸，食時加上嘉麗園自制辣油才加分，但我還是懷念舊時的味道。加叫的炸魚皮，真的很脆，也真的很咸，原想浸湯便可以提鮮，可惜牛雜湯底也是太濃味，結賬共$210。如果下次再來 我會食返牛筋或崩沙腩 ,希望湯底可以變回往日的味道。